ئىلتىجا
ئىلتىجا
ئىمىن ئەھمىدى
چىقار ئانا ھېجىر قاچاڭنى،
يەنە بىر رەت ئۇماچ ئېتىپ بەر.
بۆشۈكۈمنى تەۋرىتىپ بىردەم،
ئەللەي-ئەللەي قوشاق قېتىپ بەر.
ساپال چىراغ نەلەردە قالدى،
پىلىك سېلىپ قايتا يېقىپ بەر.
ئۇنتۇماپتۇ بالام مېنى دەپ،
دەريا-دەريا بولۇپ ئېقىپ بەر.
مەينەت كەلدىم شاۋ-شۇۋ شەھەردىن،
پاكىزلىناي ئېرىق چېپىپ بەر.
بىر كەملىك بار مېنىڭ كۆڭلۈمدە،
بەختىم ئۈچۈن شۇنى تېپىپ بەر.