دىلكەش ھېكمەتلەر
دىلكەش ھېكمەتلەر
ئۇستازىمدىن سورىدىم:
— سادىق دوستنىڭ نىشانىسى قانداق؟
ئېيتتى:
— شۇنداقكى، خاتالىرىڭنى بىراۋغا ئاشكارا قىلمايدۇ، پەندۇ نەسىھىتى بىلەن تۈزىتىدۇ، سىرىڭنى بىراۋغا ئاشكارا قىلمايدۇ، ئۆتمۈشتىكى ئىشلىرىڭنى يۇۈزۈڭگە سالمايدۇ.
سورىدىم :
— قانداق قىلسام خاتىرجەم بولىمەن؟
ئېيتتى:
— بىراۋنى قورقۇتما، دوستلىرىڭنى ئۆزۈڭدىن سوۋۇتما.
سورىدىم :
— ياخشىلىق قانداق بولىدۇ؟
ئېيتتى:
— بىرەر نەرسە قىلمىغان ھالدا ئۆزىنى كەمتەر ۋە تۆۋەن تۇتۇش. سېخىيلىق قىلىش، ئەمما ئۇنى مىننەت قىلماسلىق. خىزمەت قىلىش، ئەمما ھەققىنى تەلەپ قىلماسلىق.
سورىدىم:
— ھاياتنى قانداق قىلىپ ئاسان ئۆتكۈزۈش مۇمكىن؟
ئېيتتى:
— ساپدىللىق، چىدام ۋە تاماگەرسىزلىك بىلەن.
سورىدىم:
— نېمە قىلسام ئادەملەر مېنى ياخشى كۆرىدۇ؟
ئېيتتى:
— مۇئامىلىدە قۇپاللىق قىلما، يالغان گەپ قىلما، تىل بىلەن بىراۋنىڭ دىلىنى ئاغرىتما.
سورىدىم:
— ئىلىم ئۆگىنىشتىن نېمە تېپىلىدۇ؟
ئېيتتى:
— ئۇلۇغ بولساڭ، بۈيۈك نام تاپىسەن. كەمبەغەل بولساڭ، باي بولىسەن، ئەلگە تۇنۇلغان بولساڭ يەنىمۇ تونۇلىسەن.
سورىدىم:
— ئەقىللىق ئادەملەر نېمىگە ئىنتىلمەيدۇ؟
ئېيتتى:
— ناكەسلەرنىڭ ماختىشىغا ۋە پەستكەشلەرنىڭ ياردىمىگە.
سورىدىم:
— بىلىمسىز كىم؟
ئېيتتى:
— ئالدىراپ ئىش قىلىدىغان ۋە ئۆز بىلگىنىدىن قالمايدىغان.
سورىدىم:
— دانانى نېمە زىننەتلەيدۇ؟
ئېيتتى:
— ياخشىلىق قىلىش.
سورىدىم:
— كىم بىلەن دوستلۇق ئورنىتىش ياخشى؟
ئېيتتى:
— ھەسەتسىز كىشى بىلەن!
سورىدىم:
— ھەقىقىي مەرت كىم؟
ئېيتتى:
— بىراۋغا نەرسە بېرىپ، ئارقىسىدىن شاتلانغان ۋە ھېچقاچان مىننەت قىلمايدىغان كىشى.
سورىدىم:
— ئەقىللىق كىم؟
ئېيتتى:
— بىراۋدىن يامانلىق كۆرسىمۇ، ئۇنىڭغا قارشى ئۆچمەنلىك قىلمايدىغان ئادەم!
سورىدىم:
— بەختلىك ئادەم كىم؟
ئېيتتى:
— ئۈچ نەرسىنى ئۈچ نەرسە بىلەن، يەنى پىكىرنى توغرىلىق بىلەن، سۆزنى راستلىق بىلەن، پېئىلنى ساخاۋەت بىلەن بىزىگەن ئادەم!
سورىدىم:
— نامۇناسىپ دوستتىن قانداق قۇتۇلۇش كېرەك؟
ئېيتتى:
— زىيارىتىگە بارماسلىق ۋە نەرسە سورىماسلىق بىلەن!
سورىدىم:
— ياخشى ئىنسانلاردىن قانداق ئۈزرە سورىلىدۇ؟
ئېيتى:
— ھاجىتىنى راۋا قىلىش بىلەن!
سورىدىم:
— يوشۇرۇن سىرلار قاچان ئاشكارا بولىدۇ؟
ئېيتتى:
— مەستلىكتە!
سورىدىم:
— كۆرۈشتىن كۆزگە قۇۋۋەت ۋە نۇر ھاسىل قىلىدىغىنى نېمە؟
ئېيتتى:
— ۋاپادار خوتۇن ۋە قابىل پەرزەنتلەر!
سورىدىم:
— جاندىنمۇ شىرىن نەرسە نېمە؟
ئېيتتى:
— غەرەزسىز دوست سۆھبىتى!
سورىدىم:
— ئاچچىق بولسىمۇ، بەك شىرىن نەرسە نېمە؟
ئېيتى:
— كۈچلۈك غەزەپنى ئىچىگە يۇتۇش.
سورىدىم:
— بەختلىك ئادەم كىم؟
ئېيتتى:
— ئۈچ نەرسىنى ئۈچ نەرسە بىلەن ، يەنى پىكىرنى توغرىلىق بىلەن، سۆزنى راستلىق بىلەن، پېئىلنى ساخاۋەت بىلەن بىزىگەن ئادەم!
سورىدىم:
— نامۇناسىپ دوستتىن قانداق قۇتۇلۇش كېرەك؟
ئېيتتى:
— زىيارىتىگە بارماسلىق ۋە نەرسە سورىماسلىق بىلەن!
سورىدىم:
— پاكىزە ئىنسانلاردىن قانداق ئۈزرە سورىلىدۇ؟
ئېيتتى:
— ھاجىتىنى راۋا قىلىش بىلەن!
سورىدىم:
— يوشۇرۇن سىرلار قاچان ئاشكارا بولىدۇ؟
ئېيتتى:
— مەستلىكتە!
سورىدىم:
— كۆرۈشتىن كۆزگە قۇۋۋەت ۋە نۇر ھاسىل قىلىدىغىنى نېمە؟
ئېيتتى:
— ۋاپادار خوتۇن ۋە قابىل پەرزەنتلەر!
سورىدىم:
— جاندىنمۇ شىرىن نەرسە نېمە؟
ئېيتتى:
-غەرەزسىز دوست سۆھبىتى!
سورىدىم:
— ئاچچىق بولسىمۇ، بەك شىرىن نەرسە نېمە؟
ئېيتتى:
— كۈچلۈك غەزەپنى ئىچىگە يۇتۇش.
سورىدىم:
— دۇنيادا نېمە شىرىن؟
ئېيتتى:
— پەرزەنت.
سورىدىم:
— ئۇيقۇ نېمە؟
ئېيتتى:
— يەڭگىل ئۆلۈم!
سورىدىم:
— ئۆلتۈرىدىغان شەرەپ قايسى؟
ئېيتتى:
— شەھۋەت!
سورىدىم:
— ئاخىرى ئاچچىق بولىدىغان شىرىنلىك نېمە؟
ئېيتتى:
— ئالدىراڭغۇلۇق!
سورىدىم:
— داۋاسى يوق كېسەل قايسى؟
ئېيتتى:
— نادانلىق.
سورىدىم:
— ئەر ۋە خوتۇنغا يارىشىدىغان كىيىم قايسى؟
ئېيتتى:
— ۋاپادارلىق!