گىگانىتلار زەربىدە
«گىگانىتلار زەربىدە» يەنە «ئۇشتۇمتۇت ھۇقۇم قىلىش» دەپمۇ ئاتىلىدۇ، ياپونىيەنىڭ مانگو يۈرۈشلۈكلىرى يەشاياما ھاجىمە (ياپونچە: はじめいさやま) تەرىپىدىن يېزىلغان. ماسلاشتۇرۇلغان كارتون فىلىمى 2013-يىلى 4-ئاينىڭ 6-كۈنى قويۇلغان ، ئالدىنقى ئۈچ پەسىل WIT STUDIO تەرىپىدىن ئىشلەپچىقىرىلغان ، تۆتىنچى پەسىل MAPPA تەرىپىدىن ئىشلەنگەن. كارتون فىلىمنىڭ ھەل قىلغۇچ مۇسابىقىسى 2023-يىلى 5-نويابىر قويۇلغان.
|
رولى
[تەھرىر]- رېژىسسور: ئاراكى تېتسۈرو (ئەجەل پۈتۈكى كارتون نۇسخىسىنىڭ رېژىسسورى)
- باش روللاردا:
- ئېرېن يېگار (エレン・イェーガー) - كاجى يۈكى
- مىكاسا ئاكېرمان (ミカサ・アッカーマン) - ئىشىكاۋا يۈيى
- ئارمىن ئارلېرت (アルミン・アルレルト) - ئىنوۈۋې مارىنا
- رىۋايل (リヴァイ・アッカーマン) - كامىيا خىروشى
قىسقىچە چۈشەندۈرۈلىشى
[تەھرىر]يۈز نەچچە يىللار ئىلگىرى ئىنسانلارنى ئوزۇق قىلغۇچى گىگانتلار پەيدا بولۇپ ئىنسانلارنىڭ مەۋجۇت بولۇپ تۇرۇشى خىرىسقا دۇچ كېلىدۇ. ئىنسانلار ئۈچ دانە مۇستەھكەم سېپىل ئىچىدە يۈز يىللىق تىنچ تۇرمۇشنى بېشىدىن كەچۈرىدۇ. ئەمما ئېرېن يېگار بۇسېپىللار نىڭ سىرتىدىكى دۇنياغا ئىنتىلەتتى، ئۇ باشقىلارغا ئوخشاش سېپىل ئىچىدە مەڭگۈ تۇرۇشنى خالىمايتتى، سىرتتىكى دۇنيانىڭ قانداق بولىدىغانلىقىنى ئۆز كۆزى بىلەن كۆرۈشنى ئارزۇ قىلاتتى... ئىنسانلارنىڭ تىنچ تۇرمۇشى غايەت زور گىگانت ئادەمنىڭ تۇيۇقسىز سېپىل تۈۋىدە پەيدا بولۇشى بىلەن ئاخىرلىشىدۇ. بۇ چوڭ گىگانت ئەللىك مېتىر ئېگىزلىكتىكى مارىيا سېپىلى سىرتىدىن سېپىل ئىچىدىكى ئىنسانلارغا قاراپ تۇرغان شۇ دەمدە ئىنسانلار ئۆزلىرىنىڭ مۇشۇ گىگانتلارنىڭ ھۆكۈمرانلىقى ئاستىدىكى قورقۇنچنى، ئۆزىنى ئۆزى قوتانغا سولىۋالغان مالغا ئوخشاش ھاقارەتنى ئەسكە ئالىدۇ.[1][2]
قىسىم
[تەھرىر]845- يىلى، ئىنسانلار سېپىل ئىچىدىكى يۈز يىلدىن بۇيان داۋاملىشىپ كېلىۋاتقان تىنچ تۇرمۇش قوينىدا بىغەم ياشاۋاتاتتى. بۇ كۈنى سېپىل سىرتىدا ۋەزىپە ئۆتەۋاتقان يەزەك قوشۇن قايتىپ كەلدى، ئەمما ئۇلار زور بەدەل تۆلىگەنگە چۇشلۇق ھېچقانداق نەتىجىگە ئېرىشەلمەي قايتقان ئىدى، كوچىلاردا كىشىلەر ئۇلارنى كەينىدىن ئەيىبلەپ، ئۇلارنىڭ غەيۋىتىنى قىلىشىۋاتاتتى... ئەمما ئېرېن يېگارنىڭ يەزەك قوشۇن ۋە ھازىرقى تۇرمۇشىغا بولغان قارىشى باشقىچە ئىدى، ئۇنىڭ نەزىرىدىكى يەزەك قوشۇن جەڭچىلىرى ھەقىقى قەھرىمانلار ئىدى، ئەكسىچە قاتمۇ-قات سېپىللار ئىچىدىكى ھاياتنى قوتاندىكى مالنىڭ كۈنىگە ئوخشىتاتتى...
شۇ كۈنى تۇرمۇش بۇرۇنقىغا ئوخشاش تىنچ داۋام ئەتمەكتە ئىدى، كوچا رەستىلەردە سودا-سېتىق قايناۋاتقان، بالىلار خۇشال ئويناۋاتقان، ئەسكەرلەر سېپىل قوۋۇقىنى ساقلىغاچ ھاراق ئىچىۋاتقان. ئەمما ئۇلار ھوشيارلىقنى يوقاتقان ۋاقىتنىڭ ئەڭ خەتەرلىك ۋاقىت ئىكەنلىكىنى ئۇنتۇشقان ئىدى.
ئاتالغۇلار ئىزاھاتى:
- يەزەك قوشۇن: سېپىل سىرتىدا گىگانتلارنى تەكشۈرۈش ۋەزىپىسىنى ئۆتەيدىغان قىسىم. (يەزەك- تۈركى تىللار دىۋانىدا قوشۇننىڭ ئالدىدا يۈرگۈچى ئاۋانگارت ئەترەت دەپ چۈشەنچە بېرىلگەن.)
- تۇرغۇن قوشۇن: سېپىل ساقلاش، رېمونت قىلىش ۋەزىپىسىنى ئۆتەيدىغان قىسىم.
- يورتۇغ قوشۇن: پادىشاھنىڭ يېنىدا شاھنى قوغداش، پۇقرالارنى باشقۇرۇش، تەرتىپ يۈرگۈزۈش ۋەزىپىسىنى ئۆتەيدىغان قىسىم. (يورتۇغ- تۈركى تىللار دىۋانىدا ئۇرۇش ۋاقىتلىرىدا خاقاننى قوغداپ ماڭغۇچى مۇھاپىزەتچىلەر ياكى خاقاننىڭ ئۆزى بىلەن ئېلىپ يۈرگەن ھەمراھلىرى دېيىلگەن.)
تەسىر
[تەھرىر]«گىگانتلار زەربىدە»نىڭ ئالغا ئىلگىرىلەش يولى ياپونىيە كارتونلىرى ئىچىدىكى ھۆكۈمرانلىق ئورنىغا چىقىشى بىلەنلا توختاپ قالمىدى. «ھوقۇق ئويۇنى» ۋە «سېياھبېلىق ئويۇنى» قاتارلىق نەچچە يۈز مىليون مەبلەغ بىلەن ئىشلىنىپ، دۇنيادا زور تەسىر قوزغىغان داڭلىق تىياتىرلارمۇ «گىگانتلار زەربىدە»گە يۈزلەنگەندە يەنىلا «گىگانتلار زەربىدە»نىڭ ياراتقان نەتىجىلىرىگە ھەۋەس بىلەن قاراپ تۇرۇشتىن باشقا ئىش قىلالمىدى.
«گىگانتلار زەربىدە» ھازىرغىچە ساناقسىز چوڭ-كىچىك رېكورتلارنى يەنە قالتىس نەتىجىلەرنى بارلىققا كەلتۈردى، بۇلارنىڭ ئىچىدە دوۋبەندە 9.9 نومۇر ئېلىشتەك قالتىس نەتىجىسى مەزكۇر ئەسەرنىڭ ئەڭ قالتىس نەتىجىلىرىنىڭ بىرى.[4]