باراك ئوباما

ئورنى Wikipedia
باراك ئوباما

ئامېرىكا قوشما شىتاتلىرىنىڭ ھازىرقى ھەم قىرىق تۆتىنچى پرېزىدېنتى، ئامېرىكانىڭ تۇنجى ئافرىقىلىقلارنىڭ ئەۋلادى بولغان پرېزىدېنتى، باراك ھۈسەين ئوباما 1961-يىلى 8-ئاينىڭ 4-كۈنى ھاۋاي شىتاتىنىڭ ھونولۇلۇ شەھىرىدە دۇنياغا كەلگەن. ئاتا-ئانىسى ئىككىسى ھاۋاي ئۇنىۋېرسىتېتىدا ئوقۇۋاتقان چېغىدا تونۇشۇپ توي قىلغان. ئوبامانىڭ دادىسى چوڭ باراك ئوباما كېنىيىدىن كەلگەن قارا تەنلىك بىر ئوقۇغۇچى، ئانىسى كانزاس شىتاتىدىن كەلگەن ئاق تەنلىك بىر ئامېرىكىلىق ئوقۇغۇچى بولغان. ئوباما كولۇمبىيە ئۇنىۋېرسىتېتى ھەم خارۋارد قانۇن ئىنستىتۇتى ئوقۇپ پۈتۈرۈپ «خارۋارد قانۇن ئوبزورى» ژۇرنىلىنىڭ مەسئۇلى بولغان. ئۇ قانۇنشۇناسلىق بويىچە دوكتورلۇق ئۇنۋانىنى ئالغاندىن ئىلگىرى چىكاگو شەھەرىدە مەھەللە خىزمىتى بىلەن شۇغۇللانغان.