تاش قەلئە خارابىسى
تاش قەلئە خارابىسى (خەنزۇچە: 石頭城堡遺址) چاقىلىق ناھىيەسى نىڭ غەربىي جەنۇبىغا تەخمىنەن 40 كىلومېتىر كېلىدىغان جايدا، دېڭىز يۈزىدىن ئېگىزلىكى تەخمىنەن 3000 مېتىر كېلىدىغان تىك يارنىڭ جەنۇب تەرەپتىكى تاغ چوققىسىدا.
تونۇشتۇرۇش[تەھرىرلەش]
تاش قەلئە خارابىسى چاقىلىق ناھىيەسىنىڭ غەربىي جەنۇبىغا تەخمىنەن 40 كىلومېتىر كېلىدىغان جايدا، دېڭىز يۈزىدىن ئېگىزلىكى تەخمىنەن 3000 مېتىر كېلىدىغان تىك يارنىڭ جەنۇب تەرەپتىكى تاغ چوققىسىدا، پەقەت بىرلا ئۇزۇنلۇقى تەخمىنەن 500 مېتىر ئەتراپىدا كېلىدىغان چىغىر يول تاغ ئۇمۇرتقىسىنى بويلاپ قەلئەگە تۇتىشىدۇ. تاغ ئومۇرتقىسىنىڭ ئىككى تەرىپىدىكى قىيانىڭ چوڭقۇرلۇقى تەخمىنەن 100 مېتىر، ئىككى تەرىپىدىكى بۈركۈت تۇمشۇق شەكىللىك تاش قاتارلىق تەبىئىي مەنزىرە، غەلىتە تاشلار گىرەلىشىپ كەتكەن، يەر تۈزۈلۈشى ئىنتايىن خەتەرلىك.
تاغ چوققىسىدا سۈنئىي تۈزلىنىپ، تۆت ئەتراپى تاش بىلەن قوپۇرۇلغان قورۇق تام بار، قورۇق تامنىڭ ئايلانما ئۇزۇنلۇقى 300 مېتىر، بىر قوۋۇق شەرقىي شىمالدىن كەلگەن چىغىر يول بىلەن تاغ ئارقىلىق تۇتىشىدۇ. قەلئەنىڭ غەربىي قىسمىدا يۇمىلاق تاش قورغان ساقلىنىپ قالغان، قالدۇق ئېگىزلىكى تەخمىنەن 3 مېتىر، قېلىنلىقى تەخمىنەن 2 مېتىر، ئىچىدە خىش-تاش قۇرۇلمىلىق ئۆي بار. قەلئە ئىچىگە نۇرغۇن تۆمۈر تاۋلاش داشقىلى، ئامبۇر قازان پارچىلىرى، شۇنداقلا كۈل رەڭ قوڭۇر رەڭلىك خىش، گۈللۈك خىش تارقالغان، مۇكەممەل بولغانلىرى 44 × 23 × 6.5 سانتىمېتىر. يەر كەسمە يۈزىدە قېلىنلىقى تەخمىنەن 2 مېتىر كېلىدىغان ياغاچ مەدەنىيەت قاتلىمى بار. پۈتكۈل قەلئە سىرتقى كۆرۈنۈشى «┻» شەكلىدە.