خوشاڭ

— قىيمىلىق تاماقلار ئىچىدە ئالاھىدە ئورۇن تۇتىدىغان بولۇپ ، بۇ مانتا ، سامسا ، گۆش نانغا ئوخشاش يېيىشلىك .

خوشاڭغا كېتىدىغان خۇرۇچلار

ئاق ئۇن بىر كىلوگرام ، يېڭى قوي گۆشى ئىككى كىلوگرام ، پىياز بىر كىلوگرام ، تۇز سۈيى 150 كىلوگرام ، قىزىق سۇ 400 – 500 گرام ، خېمىر تۇرۇچ ، قارىمۇچ ۋە ئاقمۇچ مۇۋاپىق مىقداردا .

تەييارلاش ئۇسۇلى

ئۇنغا مۇۋاپىق مىقداردا خېمىر تۇرۇچ ، ئېرىتىلگەن تۇز سۈيى ، قىزىق سۇ قۇيىمىز . خېمىرنى بوش يۇغۇرۇش كېرەك ، ئاندىن مايلىق يۇمشاق گۆشنى ئۇششاق قىيما قىلىپ ، پىياز ، سوققان كاۋاۋىچىن ، 100 گرام تۇز بىلەن ئارىلاشتۇرۇپ قىيما تەييارلايمىز . ئاندىن بولغان خېمىرنى 70 گرامدىن زۇۋۇلا ئۈزۈپ ، بولاق مانتىنىڭكىدەك جىلتا ئاچىمىز . تەييارلانغان جىلتىلارغا 150 گرامدىن قىيما سېلىپ ، بولاق مانتىدەك تۈگۈپ ، قازانغا ماي قۇيۇپ ، قازانغا ياكى تاۋىغا سېلىپ تىزىپ قىزارغۇچە پىشۇرۇپ ، 300 گرام سۇنى قۇيۇپ دۈملەپ سۇس ئوتتا 20 مىنۇت تۇرغۇزىمىز . 20 دانە خوشاڭنىڭ خېمىرىنى كىچىكرەك زۇۋۇلا تۇتساق 40 دانە خوشاڭ قىلغىلى بولىدۇ .