لى خۇڭجۇڭ

　لى خۇڭجۇڭ، ئەر، خەنزۇ، 1956- يىلى 8- ئايدا تۇغۇلغان، شەندۇڭ چاڭلېدىن، 1975- يىلى 8- ئايدا خىزمەتكە قاتناشقان، 1976- يىلى 12- ئايدا جۇڭگو كوممۇنىستىك پارتىيەسىگە كىرگەن. جىلىن ئۇنىۋېرسىتېتى تارىخ فاكۇلتېتىنىڭ تارىخشۇناسلىق كەسپىنى پۈتكۈزگەن، ئالىي مەكتەپ ئوقۇش تارىخىغا ئىگە، مەسئۇل ئىقتىسادچى.

　　ھازىر مەركىزىي كومىتېت سىياسىي بىيۇروسىنىڭ ئەزاسى، تيەنجىن شەھەرلىك پارتكومنىڭ شۇجىسى.

　　1975- يىلىدىن 1978- يىلىغىچە لياۋنىڭ ئۆلكىسى شېنياڭ شەھىرى سۇجياتۈن رايونىنىڭ ياۋچيەن گۇڭشېسى چيەندو دادۈيىگە زىيالىي ياش بولۇپ چۈشكەن، خەلق ئەسكەرلىرى ليەنىنىڭ ليەنجاڭى، ئامانلىق ساقلاش مۇدىرى، ئىتتىپاق باش ياچېيكىسىنىڭ شۇجىسى، ئىنقىلابىي كومىتېتنىڭ مۇئاۋىن مۇدىرى بولغان.

　　1978- يىلىدىن 1982- يىلىغىچە جىلىن ئۇنىۋېرسىتېتى تارىخ فاكۇلتېتىنىڭ تارىخشۇناسلىق كەسپىدە ئوقۇغان.

　　1982- يىلىدىن 1984- يىلىغىچە لياۋنىڭ ئۆلكىسى شېنياڭ شەھەرلىك ھۆكۈمەت بەنگۇڭتىڭى كاتىبات باشقارمىسىنىڭ كادىرى بولغان.

　　1984- يىلىدىن 1985- يىلىغىچە لياۋنىڭ ئۆلكىسى شېنياڭ شەھەرلىك ھۆكۈمەت بەنگۇڭتىڭى ھۆججەت بىر تەرەپ قىلىش گۇرۇپپىسىنىڭ مۇئاۋىن باشلىقى بولغان.

　　1985- يىلىدىن 1985- يىلىغىچە لياۋنىڭ ئۆلكىلىك پارتكوم بەنگۇڭتىڭىنىڭ كاتىپى بولغان.

　　1985- يىلىدىن 1987- يىلىغىچە ئېلېكتىرون سانائىتى مىنىستىرلىقى بەنگۇڭتىڭىنىڭ كاتىپى(1986- يىلى 7- ئايدا مۇئاۋىن باشقارما باشلىقى دەرىجىلىك) بولغان.

　　1987- يىلىدىن 1988- يىلىغىچە ئېلېكتىرون سانائىتى مىنىستىرلىقى پارتگۇرۇپپىسى ئىشخانىسىنىڭ مۇئاۋىن مۇدىرى (باشقارما باشلىقى دەرىجىلىك) بولغان.

　　1988- يىلىدىن 1995- يىلىغىچە گۇاڭدۇڭ ئۆلكىسى خۇيجۇ شەھىرىنىڭ مۇئاۋىن باشلىقى(ۋەزىپە بىلەن چېنىقىشقا چۈشكەن) بولغان(بۇ مەزگىلىدە 1990- يىلىدىن 1991- يىلىغىچە قوشۇمچە خۇيجۇ داياۋەن سانائەت رايونى باشقۇرۇش كومىتېتى پارتگۇرۇپپىسىنىڭ شۇجىسى بولغان؛ 1991- يىلى 10- ئايدا مۇئاۋىن ئىدارە باشلىقى دەرىجىلىك بولغان؛ 1993- يىلىدىن 1995- يىلىغىچە قوشۇمچە خۇيجۇ جۇڭكەي دۆلەت يۇقىرى، يېڭى تېخنىكىلىق كەسىپلەر تەرەققىيات رايونى باشقۇرۇش كومىتېتىنىڭ مۇدىرى، پارتگۇرۇپپىسىنىڭ شۇجىسى بولغان).

　　1995- يىلىدىن 2000- يىلىغىچە گۇاڭدۇڭ ئۆلكىسى خۇيجۇ شەھەرلىك پارتكومنىڭ مۇئاۋىن شۇجىسى، مۇۋەققەت شەھەر باشلىقى، شەھەر باشلىقى بولغان(بۇ مەزگىلدە 1996- يىلىدىن 1997- يىلىغىچە مەركىزىي پارتىيە مەكتىپىنىڭ بىر يىللىق تۈزۈمدىكى ياش، ئوتتۇرا ياش كادىرلار سىنىپىدا ئوقۇغان).

　　2000- يىلىدىن 2001- يىلىغىچە گۇاڭدۇڭ ئۆلكىسى خۇيجۇ شەھەرلىك پارتكومنىڭ شۇجىسى بولغان.

　　2001- يىلىدىن 2002- يىلىغىچە گۇاڭدۇڭ ئۆلكىسىنىڭ مۇئاۋىن باشلىقى بولغان.

　　2002- يىلىدىن 2003- يىلىغىچە گۇاڭدۇڭ ئۆلكىلىك پارتكوم دائىمىي كومىتېتىنىڭ ئەزاسى، مۇئاۋىن ئۆلكە باشلىقى بولغان.

　　2003- يىلىدىن 2004- يىلىغىچە گۇاڭدۇڭ ئۆلكىلىك پارتكوم دائىمىي كومىتېتىنىڭ ئەزاسى، شېنجېن شەھەرلىك پارتكومنىڭ مۇئاۋىن شۇجىسى، مۇۋەققەت شەھەر باشلىقى بولغان.

　　2004- يىلىدىن 2005- يىلىغىچە گۇاڭدۇڭ ئۆلكىلىك پارتكوم دائىمىي كومىتېتىنىڭ ئەزاسى، شېنجېن شەھەرلىك پارتكومنىڭ مۇئاۋىن شۇجىسى، شەھەر باشلىقى بولغان.

　　2005- يىلىدىن 2007- يىلىغىچە گۇاڭدۇڭ ئۆلكىلىك پارتكوم دائىمىي كومىتېتىنىڭ ئەزاسى، شېنجېن شەھەرلىك پارتكومنىڭ شۇجىسى، شەھەرلىك خەلق قۇرۇلتىيى دائىمىي كومىتېتىنىڭ مۇدىرى بولغان.

　　2007- يىلىدىن 2008- يىلىغىچە خۇبېي ئۆلكىلىك پارتكومنىڭ مۇئاۋىن شۇجىسى، مۇۋەققەت ئۆلكە باشلىقى بولغان.

　　2008- يىلىدىن 2010- يىلىغىچە خۇبېي ئۆلكىلىك پارتكومنىڭ مۇئاۋىن شۇجىسى، ئۆلكە باشلىقى بولغان.

　　2010- يىلىدىن 2011- يىلىغىچە خۇبېي ئۆلكىلىك پارتكومنىڭ شۇجىسى بولغان.

　　2011- يىلىدىن 2016- يىلىغىچە خۇبېي ئۆلكىلىك پارتكومنىڭ شۇجىسى، ئۆلكىلىك خەلق قۇرۇلتىيى دائىمىي كومىتېتىنىڭ مۇدىرى بولغان.

　　2016- يىلىدىن 2017- يىلىغىچە تيەنجىن شەھەرلىك پارتكومنىڭ شۇجىسى بولغان.

　　2017- يىلىدىن باشلاپ مەركىزىي كومىتېت سىياسىي بىيۇروسىنىڭ ئەزاسى، تيەنجىن شەھەرلىك پارتكومنىڭ شۇجىسى.

　　16- ، 17- نۆۋەتلىك مەركىزىي كومىتېتنىڭ كاندىدات ئەزاسى، 18- ، 19- نۆۋەتلىك مەركىزىي كومىتېتنىڭ ئەزاسى، 19- نۆۋەتلىك مەركىزىي كومىتېت سىياسىي بىيۇروسىنىڭ ئەزاسى