ليۇ خې

ئورنى Wikipedia
Jump to navigation Jump to search
لىيۇ خې
لىۇ خې ئامىرىكا ئەلباشى دونالىد ترامپ بىلەن ئاق سارايدا

 ليۇ خې، ئەر، خەنزۇ، 1952- يىلى 1- ئايدا تۇغۇلغان، خېبېي چاڭلىدىن، 1969- يىلى 4- ئايدا خىزمەتكە قاتناشقان، 1976- يىلى 12- ئايدا جۇڭگو كوممۇنىستىك پارتىيەسىگە كىرگەن، جۇڭگو خەلق ئۇنىۋېرسىتېتى سانائەت- ئىقتىساد فاكۇلتېتىنىڭ سانائەت- ئىقتىساد كەسپىنى پۈتكۈزگەن، ئاسپىرانتلىق ئوقۇش تارىخىغا ئىگە، ئىقتىسادشۇناسلىق، ئاممىۋى باشقۇرۇش بويىچە ماگىستىر، تەتقىقاتچى، پىروفېسسور.

  ھازىر مەركىزىي كومىتېت سىياسىي بىيۇروسىنىڭ ئەزاسى، مەركەز مالىيە- ئىقتىساد خىزمىتىگە رەھبەرلىك قىلىش گۇرۇپپىسى ئىشخانىسىنىڭ مۇدىرى، دۆلەت تەرەققىيات ۋە ئىسلاھات كومىتېتىنىڭ مۇئاۋىن مۇدىرى، پارتگۇرۇپپىسىنىڭ مۇئاۋىن شۇجىسى.

  1969- يىلىدىن 1970- يىلىغىچە جىلىن ئۆلكىسىنىڭ تاۋنەن ناھىيەسى ۋافاڭ گۇڭشېسىغا زىيالىي ياش بولۇپ چۈشكەن.

  1970- يىلىدىن 1973- يىلىغىچە ئازادلىق ئارمىيە 38- ئارمىيەسى 112- شىسى زېنىت توپچىلار تۈەنى 57- يىڭ 2- ليەننىڭ جەڭچىسى، مۇئاۋىن بەنجاڭى بولغان.

  1973- يىلىدىن 1979- يىلىغىچە بېيجىڭ سىمسىز رادىيو زاۋۇتىدا ئىشلىگەن، ئىتتىپاق كومىتېتىنىڭ كادىرى، شۇجىسى بولغان.

  1979- يىلىدىن 1983- يىلىغىچە جۇڭگو خەلق ئۇنىۋېرسىتېتى 2- تارماق مەكتىپى سانائەت- ئىقتىساد فاكۇلتېتىنىڭ سانائەت- ئىقتىساد باشقۇرۇش كەسپىدە ئوقۇغان.

  1983- يىلىدىن 1983- يىلىغىچە جۇڭگو خەلق ئۇنىۋېرسىتېتى سانائەت- ئىقتىساد فاكۇلتېتىدا ئوقۇتقۇچى بولغان.

  1983- يىلىدىن 1986- يىلىغىچە جۇڭگو خەلق ئۇنىۋېرسىتېتى سانائەت- ئىقتىساد فاكۇلتېتىنىڭ سانائەت- ئىقتىساد كەسپىدە ماگىستىر ئاسپىرانتلىقتا ئوقۇغان.

  1986- يىلىدىن 1987- يىلىغىچە گوۋۇيۈەن تەرەققىيات تەتقىقات مەركىزىنىڭ كادىرى بولغان.

  1987- يىلىدىن 1988- يىلىغىچە دۆلەت پىلان كومىتېتى سانائەت ئۇنىۋېرسال ئىدارىسىنىڭ كادىرى بولغان.

  1988- يىلىدىن 1991- يىلىغىچە دۆلەت پىلان كومىتېتى كەسىپ سىياسىتى مەھكىمىسى كەسىپ قۇرۇلمىسى باشقارمىسىنىڭ مۇئاۋىن باشلىقى، باشلىقى بولغان.

  1991- يىلىدىن 1993- يىلىغىچە دۆلەت پىلان كومىتېتى ئۇزاق مۇددەتلىك يىرىك پىلان ۋە كەسىپ سىياسىتى مەھكىمىسى كەسىپ قۇرۇلمىسى باشقارمىسىنىڭ باشلىقى بولغان (بۇ مەزگىلدە 1992- يىلى 1- ئايدىن 1993- يىلى 1- ئايغىچە ئامېرىكا سېتون خول ئۇنىۋېرسىتېتىنىڭ سودا- سانائەت ئىنستىتۇتىدا زىيارەتچى ئالىم بولغان).

  1993- يىلىدىن 1994- يىلىغىچە دۆلەت پىلان كومىتېتى سىياسەت تەتقىقات ئىشخانىسىنىڭ مۇئاۋىن مۇدىرى بولغان.

  1994- يىلىدىن 1998- يىلىغىچە دۆلەت پىلان كومىتېتى ئۇزاق مۇددەتلىك يىرىك پىلان ۋە كەسىپ سىياسىتى مەھكىمىسىنىڭ مۇئاۋىن باشلىقى بولغان (بۇ مەزگىلدە 1994- يىلى 7- ئايدىن 1995- يىلى 6- ئايغىچە خارۋارد ئۇنىۋېرسىتېتى كېننىدى ھۆكۈمەت باشقۇرۇشىدىكى ئىنستىتۇتنىڭ خەلقئارا پۇل مۇئامىلە ۋە سودا كەسپىدە ئوقۇغان، ئاممىۋى باشقۇرۇش بويىچە ماگىستىرلىق ئۇنۋانىغا ئېرىشكەن).

  1998- يىلىدىن 2001- يىلىغىچە دۆلەت ئۇچۇر مەركىزىنىڭ دائىمىي مۇئاۋىن مۇدىرى (ئىدارە باشلىقى دەرىجىلىك)، جۇڭگو ئىقتىساد ئۇچۇرى تورى شىركىتىنىڭ باش مۇدىرى بولغان.

  2001- يىلىدىن 2003- يىلىغىچە گوۋۇيۈەن ئۇچۇرلاشتۇرۇش خىزمىتى ئىشخانىسىنىڭ مۇئاۋىن مۇدىرى، پارتگۇرۇپپىسىنىڭ ئەزاسى، دۆلەت ئۇچۇرلاشتۇرۇش مۇتەخەسسىسلەر مەسلىھەت بېرىش كومىتېتىنىڭ مۇدىرى بولغان.

  2003- يىلىدىن 2011- يىلىغىچە مەركەز مالىيە- ئىقتىساد خىزمىتىگە رەھبەرلىك قىلىش گۇرۇپپىسى ئىشخانىسىنىڭ مۇئاۋىن مۇدىرى بولغان.

  2011- يىلىدىن 2013- يىلىغىچە گوۋۇيۈەن تەرەققىيات تەتقىقات مەركىزى پارتگۇرۇپپىسىنىڭ شۇجىسى، مۇئاۋىن مۇدىرى، مەركەز مالىيە- ئىقتىساد خىزمىتىگە رەھبەرلىك قىلىش گۇرۇپپىسى ئىشخانىسىنىڭ مۇئاۋىن مۇدىرى بولغان.

  2013- يىلىدىن 2014- يىلىغىچە مەركەز مالىيە- ئىقتىساد خىزمىتىگە رەھبەرلىك قىلىش گۇرۇپپىسى ئىشخانىسىنىڭ مۇدىرى، دۆلەت تەرەققىيات ۋە ئىسلاھات كومىتېتىنىڭ مۇئاۋىن مۇدىرى، پارتگۇرۇپپىسىنىڭ ئەزاسى بولغان.

  2014- يىلىدىن 2017- يىلىغىچە مەركەز مالىيە- ئىقتىساد خىزمىتىگە رەھبەرلىك قىلىش گۇرۇپپىسى ئىشخانىسىنىڭ مۇدىرى، دۆلەت تەرەققىيات ۋە ئىسلاھات كومىتېتىنىڭ مۇئاۋىن مۇدىرى، پاتگۇرۇپپىسىنىڭ مۇئاۋىن شۇجىسى بولغان.

  2017- يىلىدىن باشلاپ مەركىزىي كومىتېت سىياسىي بىيۇروسىنىڭ ئەزاسى، مەركەز مالىيە- ئىقتىساد خىزمىتىگە رەھبەرلىك قىلىش گۇرۇپپىسى ئىشخانىسىنىڭ مۇدىرى، دۆلەت تەرەققىيات ۋە ئىسلاھات كومىتېتىنىڭ مۇئاۋىن مۇدىرى، پارتگۇرۇپپىسىنىڭ مۇئاۋىن شۇجىسى.

  18- ، 19- نۆۋەتلىك مەركىزىي كومىتېتنىڭ ئەزاسى، 19- نۆۋەتلىك مەركىزىي كومىتېت سىياسىي بىيۇروسىنىڭ ئەزاسى