پارىژ ئۇنىۋېرسىتىتى
پارىژ ئۇنىۋېرسىتىتى ئوتتۇرا ئەسىردىن بېرىقى ئەڭ قەدىمى ۋە ئەڭ مۇھىم ئالى بىلىم يۇرتلىرىدىن بىرى ھېساپلىنىدۇ. 12-ئەسىردە قۇرۇلغاندىن كىيىن، پارىژ سەينا دەرياسىنىڭ سول قىرغىقىدىكى بارلىق مەكتەپلەرنى ئۆزىگە بىرلەشتۈرگەن بۇ ئۇنىۋېرسىت ئەينى دەۋردىكى پادىشاھلىقلارنىڭ بارلىق مەمۇرى ۋە ساقلىق ئەمەلدارلىرىنى تەربىيىلەشنى مەقسەت قىلغان.
پارىژ ئۇنىۋېرسىتىتى 1790-يىلى، "فرانسۇز ئىنقىلابى"نىڭ ئەتىسىلا تاقىۋىتىلگەن ۋە قانۇن، دوختۇرلۇق، ئېنژىنىرلىق ۋە پىداگوگىكا مەكتەپلىرىنى بىرلەشتۈرگەن مەخسۇس پەنلەر ئالى مەكتىۋىگە ئۆزگەرتىلگەن. توپتوغرا بىر ئەسىر ۋاقىتتىن كىيىن، 1896-يىلى، مەزكۇر ئۇنىۋېرسىت قانۇن، دوختۇرلۇق، تىل-ئەدەبىيات ۋە تەبىئى پەنلەر بويىچە تۆت چوڭ فاكۇلتىتقا بۆلۈۋىتىلگەن. يەنە بىر ئەسىردىن ئارتۇق ۋاقىتتىن كىيىنكى 1968-يىلىدىكى ماي ئىنقىلابىدىن كىيىن، 13 شۆبە ئۇنىۋېرسىتقا بۆلۈنگەن.
بۈگۈنكى پارىژ ئۇنىۋېرسىتىتى تۆۋەندىكى 13 ئۇنىۋېرسىتتىن تەركىپ تاپىدۇ:
- پارىژ 1-ئۇنىۋېرسىت: پانتىيون-سوربون ئۇنىۋېرسىتىتى
- پارىژ 2-ئۇنىۋېرسىت: پانتىيون-ئاساس ئۇنىۋېرسىتىتى
- پارىژ 3-ئۇنىۋېرسىت: يېڭى سوربون ئۇنىۋېرسىتىتى
- پارىژ 4-ئۇنىۋېرسىت: سوربون ئۇنىۋېرسىتىتى
- پارىژ 5-ئۇنىۋېرسىت: دېكارت ئۇنىۋېرسىتىتى
- پارىژ 6-ئۇنىۋېرسىت: پىيەر ۋە مارىيە كىيۇرى ئۇنىۋېرسىتىتى
- پارىژ 7-ئۇنىۋېرسىت: دۆنى دىدېرو ئۇنىۋېرسىتىتى
- پارىژ 8-ئۇنىۋېرسىت: ۋەنسەن-سەن دۆنى ئۇنىۋېرسىتىتى
- پارىژ 9-ئۇنىۋېرسىت: پارىژ دوفىن ئۇنىۋېرسىتىتى
- پارىژ 10-ئۇنىۋېرسىت: پارىژ غەربى نانتەر-لادېفاڭىس ئۇنىۋېرسىتىتى
- پارىژ 11-ئۇنىۋېرسىت:جەنۇبى پارىژ ئۇنىۋېرسىتىتى
- پارىژ 12-ئۇنىۋېرسىت: ۋال دۆ ماغن ئۇنىۋېرسىتىتى
- پارىژ 13-ئۇنىۋېرسىت: شىمالى پارىژ ئۇنىۋېرسىتىتى
بۈگۈن بۇ ئۇنىۋېرسىتلارنىڭ ھەممىسىدە بولۇپ، جەمئى 336 مىڭ ئوقۇغۇچى بىلىم ئالىدۇ. ئۇنىۋېرسىتلار نامىنىڭ سانلاشتۇرۇلۇشى ئۇلارنىڭ ئوقۇتۇش ياكى نام دەرىجىسىگە قاراپ ئەمەس بەلكى قۇرۇلۇش ۋاقتىنىڭ ئىلگىرى-كىينلىكى بويىچە بېرىلگەن.
مەنبەلەر
[تەھرىرلەش]
|
بۇ ماددا بىر دەسلەپكى نۇسخىدۇر، بۇ ماددىنى كېڭەيتىش ياكى ئالاھىدە دەسلەپكى نۇسخا قېلىپلىردىن بىرنى قويۇپ ۋىكىپېدىيەگە توھپە قوشالايسىز. |