گو شېڭكۈن

ئورنى Wikipedia
Jump to navigation Jump to search

گو شېڭكۈن، ئەر، خەنزۇ، 1954- يىلى 10- ئايدا تۇغۇلغان، جياڭشى شىڭگودىن، 1973- يىلى 8- ئايدا خىزمەتكە قاتناشقان، 1974- يىلى 12- ئايدا جۇڭگو كوممۇنىستىك پارتىيەسىگە كىرگەن، بېيجىڭ پەن- تېخنىكا ئۇنىۋېرسىتېتىنىڭ باشقۇرۇش ئىلمى ۋە قۇرۇلۇشى كەسپىنى پۈتكۈزگەن، ئىشلەپ تۇرۇپ ئاسپىرانتلىق ئوقۇش تارىخىغا ئىگە بولغان، باشقۇرۇش ئىلمى دوكتورى، پىروفېسسور دەرىجىلىك ئالىي ئىنژېنېر.

  ھازىر مەركىزىي كومىتېت سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ شۇجىسى، دۆلەت كومىسسارى، گوۋۇيۈەن پارتگۇرۇپپىسىنىڭ ئەزاسى، قوشۇمچە ج خ مىنىستىرلىقىنىڭ مىنىستىرى، پارتكوم شۇجىسى، مەركىزىي سىياسىي- قانۇن كومىتېتىنىڭ مۇئاۋىن شۇجىسى، قوراللىق ساقچى قىسىمىنىڭ 1- سىياسىي كومىسسارى، پارتكومىنىڭ 1- شۇجىسى، باش نازارەتچى ساقچى.

  1973- يىلىدىن 1977- يىلىغىچە جياڭشى ئۆلكىسى شىڭگو ناھىيەسىنىڭ ۋۇلىتىڭ گۇڭشېسىدا زىيالىي ياش بولغان.

  1977- يىلىدىن 1979- يىلىغىچە جياڭشى مېتاللورگىيە ئىنستىتۇتى كانچىلىق فاكۇلتېتىنىڭ رۇدا يىغىش كەسپىدە ئوقۇغان.

  1979- يىلىدىن 1985- يىلىغىچە مېتاللورگىيە مىنىستىرلىقى خۇامېيئاۋ ۋولفرام كېنىنىڭ ماشىنا بىلەن رۇدا يىغىش سېخىنىڭ تېخنىكى، ئۇچاستىكا باشلىقى، پارتىيە ياچېيكىسىنىڭ شۇجىسى، ئىشلەپچىقىرىشقا مەسئۇل مۇئاۋىن مۇدىر، مەمۇرىي ئىشلارغا مەسئۇل مۇئاۋىن مۇدىر، مۇدىر بولغان.

  1985- يىلىدىن 1990- يىلىغىچە جۇڭگو رەڭلىك مېتال سانائىتى باش شىركىتى خۇامېيئاۋ ۋولفرام كېنىنىڭ باشلىقى بولغان.

  1990- يىلىدىن 1992- يىلىغىچە جۇڭگو رەڭلىك مېتال سانائىتى باش شىركىتى خۇامېيئاۋ ۋولفرام كېنىنىڭ باشلىقى، قوشۇمچە گۈيشى كۈمۈش كېنى قۇرۇلۇشى قوماندانلىق ئىشتابىنىڭ باش قوماندانى، پارتكومىنىڭ شۇجىسى بولغان.

  1992- يىلىدىن 1993- يىلىغىچە جۇڭگو رەڭلىك مېتال سانائىتى باش شىركىتى گۈيشى كۈمۈش كېنىنىڭ باشلىقى، پارتكومىنىڭ شۇجىسى بولغان.

  1993- يىلىدىن 1997- يىلىغىچە جۇڭگو رەڭلىك مېتال سانائىتى باش شىركىتى نەنچاڭ شىركىتىنىڭ دىرېكتورى، پارتگۇرۇپپىسىنىڭ شۇجىسى بولغان (بۇ مەزگىلدە 1994- يىلىدىن 1996- يىلىغىچە جۇڭنەن سانائەت ئۇنىۋېرسىتېتى باشقۇرۇش قۇرۇلۇشى فاكۇلتېتىنىڭ باشقۇرۇش قۇرۇلۇشى كەسپىدە ئوقۇغان، باشقۇرۇش ئىلمى بويىچە ماگىستىرلىق ئۇنۋانى ئالغان؛ 1995- يىلىدىن 1996- يىلىغىچە مەركىزىي پارتىيە مەكتىپىنىڭ بىر يىللىق تۈزۈمدىكى ياش، ئوتتۇرا ياش كادىرلارنى تەربىيەلەش سىنىپىدا ئوقۇغان).

  1997- يىلىدىن 1998- يىلىغىچە جۇڭگو رەڭلىك مېتال سانائىتى باش شىركىتىنىڭ مۇئاۋىن باش دىرېكتورى، پارتگۇرۇپپىسىنىڭ ئەزاسى بولغان.

  1998- يىلىدىن 1999- يىلىغىچە دۆلەت رەڭلىك مېتال سانائىتى ئىدارىسى پارتگۇرۇپپىسىنىڭ ئەزاسى بولغان.

  1999- يىلىدىن 2000- يىلىغىچە دۆلەت رەڭلىك مېتال سانائىتى ئىدارىسىنىڭ مۇئاۋىن باشلىقى، پارتگۇرۇپپىسىنىڭ ئەزاسى بولغان.

  2000- يىلىدىن 2001- يىلىغىچە گوۋۇيۈەن دۆلەت ئىلكىدىكى نۇقتىلىق چوڭ كارخانىلار نازارەتچىلىك كومىتېتىنىڭ رەئىسى، جۇڭگو ئاليومىنچىلىق شىركىتى تەييارلىق گۇرۇپپىسىنىڭ باشلىقى بولغان.

  2001- يىلىدىن 2004- يىلىغىچە جۇڭگو ئاليومىنچىلىق شىركىتىنىڭ باش دىرېكتورى، پارتگۇرۇپپىسىنىڭ شۇجىسى، قوشۇمچە جۇڭگو ئاليومىن پاي چەكلىك شىركىتىنىڭ باش مۇدىرى، باش لىدىر بولغان (بۇ مەزگىلدە 2002- يىلى 3- ئايدىن 2002- يىلى 5- ئايغىچە مەركىزىي پارتىيە مەكتىپىنىڭ ئۆلكە باشلىقى، مىنىستىر دەرىجىلىك كادىرلار بىلىم ئاشۇرۇش كۇرسىدا ئوقۇغان).

  2004- يىلىدىن 2007- يىلىغىچە گۇاڭشى جۇاڭزۇ ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايونلۇق ھۆكۈمەتنىڭ مۇئاۋىن رەئىسى، پارتگۇرۇپپىسىنىڭ مۇئاۋىن شۇجىسى بولغان.

  (2003- يىلىدىن 2007- يىلىغىچە بېيجىڭ پەن- تېخنىكا ئۇنىۋېرسىتېتى باشقۇرۇش ئىلمى ۋە قۇرۇلۇشى كەسپىدە ئوقۇغان، باشقۇرۇش ئىلمى بويىچە دوكتورلۇق ئۇنۋانى ئالغان).

  2007- يىلىدىن 2008- يىلىغىچە گۇاڭشى جۇاڭزۇ ئاپتونوم رايونلۇق پارتكومنىڭ شۇجىسى بولغان.

  2008- يىلىدىن 2012- يىلىغىچە گۇاڭشى جۇاڭزۇ ئاپتونوم رايونلۇق پارتكومنىڭ شۇجىسى، ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇدىرى بولغان.

  2012- يىلىدىن 2013- يىلىغىچە ج خ مىنىستىرلىقىنىڭ مىنىستىرى، پارتكومىنىڭ شۇجىسى بولغان.

  2013- يىلىدىن 2017- يىلىغىچە دۆلەت كومىسسارى، گوۋۇيۈەن پارتگۇرۇپپىسىنىڭ ئەزاسى، قوشۇمچە ج خ مىنىستىرلىقىنىڭ مىنىستىرى، پارتكومىنىڭ شۇجىسى، مەركىزىي سىياسىي- قانۇن كومىتېتىنىڭ مۇئاۋىن شۇجىسى، قوراللىق ساقچى قىسىمىنىڭ 1- سىياسىي كومىسسارى، پارتكومىنىڭ 1- شۇجىسى بولغان.

  2017- يىلىدىن باشلاپ مەركىزىي كومىتېت سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ شۇجىسى، دۆلەت كومىسسارى، گوۋۇيۈەن پارتگۇرۇپپىسىنىڭ ئەزاسى، قوشۇمچە ج خ مىنىستىرلىقىنىڭ مىنىستىرى، پارتكومىنىڭ شۇجىسى، مەركىزىي سىياسىي- قانۇن كومىتېتىنىڭ مۇئاۋىن شۇجىسى، قوراللىق ساقچى قىسىمىنىڭ 1- سىياسىي كومىسسارى، پارتكومىنىڭ 1- شۇجىسى.

  16- ، 17- نۆۋەتلىك مەركىزىي كومىتېتنىڭ كاندىدات ئەزاسى، 18- ، 19- نۆۋەتلىك مەركىزىي كومىتېتنىڭ ئەزاسى، 19- نۆۋەتلىك مەركىزىي كومىتېت سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ شۇجىسى