ۋارىس ئابابەكرى

ۋارىس ئابابەكرى ( Waris Ababekri ، خەنچە: 瓦尔斯·阿巴拜克)1966 - يىلى ئۈرۈمچىدە تۇغۇلغان بولۇپ، ۋەتەنپەرۋەر پائالىيەتچى. خىتاي ھۆكۈمىتى تەرىپىدىن شېھىت بولغان.

1985-يىلىدىكى "12-دېكابىر ئوقۇغۇچىلار نامايىشى"نى تەشكىللەشكە قاتناشقان. 1987-يىلى دولقۇن ئەيسا، روشەن ئابباس قاتارلىق ساۋاقداشلىرى بىلەن بىرگە شىنجاڭ ئۇنىۋېرسىتېتىدا «ئىستۇدېنتلار پەن-مەدەنىيەت ئۇيۇشمىسى» نى قۇرغان. 1988-يىلى 6-ئاينىڭ 15-كۈنى يەنە ئۈرۈمچىدە ئۆتكۈزۈلگەن ئالىي مەكتەپ ئوقۇغۇچىلار نامايىشىنى تەشكىللىگەنلىكى ئۈچۈن شۇ يىلى 9-ئايدا دولقۇن ئەيسا بىلەن بىرگە مەكتەپتىن قوغلانغان.

ۋارىس ئابابەكرى 1995-يىلى 10-ئاينىڭ5-كۈنى شىنجاڭ كومپاس پەن-تېخنىكا ئۇچۇر مۇلازىمەت چەكلىك شىركىتىنى قۇرۇپ، خەلقىمىزنى ھەر خىل پەن-تېخنىكا ۋە بېيىش ئۇچۇرلىرى مۇلازىمىتى بىلەن تەمىللىگەن.

2000-يىللاردىن باشلاپ ئۇيغۇرلارنىڭ ھاياتىغا ئائىت سىنارىيەلەر يازغان، < بۇ ئائىلىگە قاراڭ> ناملىق كۆپ قىسىملىق فىلىملەر ئىشلىگەن، رېژىسسورلۇق قىلغان، ژۇرناللار نەشىر قىلدۇرغان بىر شەخس ئىدى.

1980-يىللاردىكى ئالىي مەكتەپ ئوقۇغۇچىلار ھەرىكىتىنىڭ رەھبەرلىرىدىن بىرى بولغان ۋارىس ئابابەكرىنىڭ2019- يىلى 11-ئاينىڭ ئوتتۇرىلىرى لاگېردىن قويۇپ بېرىلىپ بىر ھەپتىدىن كېيىن، يەنى 24-نويابىر كۈنى ئۈرۈمچىدە نامەلۇم «كېسەللىك سەۋەبى» دىن قازا قىلغانلىق خەۋىرى ئاشكارىلاندى. بۇنىڭ بىلەن ئۇنىڭ سىرلىق ئۆلۈمى مۇھاجىرەتتىكى ئۇيغۇر جامائىتى ئارىسىدا زور غۇلغۇلا قوزغىدى.

مەنبەلەر

بۇ ماددا بىر دەسلەپكى نۇسخىدۇر، بۇ ماددىنى كېڭەيتىش ياكى ئالاھىدە دەسلەپكى نۇسخا قېلىپلىردىن بىرنى قويۇپ ۋىكىپېدىيەگە توھپە قوشالايسىز.