Alma shirkiti
Alma shirkiti- bash shitabi Amérikining Kaliforniye Shitatidiki San Fransiskoning kopirtinogha jaylashqan bolup, 2009-yili dunyadiki 500 küchlük karxana ret tertipide aldinqi yildikidin biraqla 101 ret aldighan sürülüp 280-orungha chiqqan yilliq tijaret sommisi 12milyard amérika dolliri bolghan dunyawi shirket.
NASDAQtiki shertlik belgisi: AAPL
Xizmetchi sani : (2009-yili7-ay) 21400 adem
Tor béti: www.apple.com
Shirkettiki muhim ademler
Bash lidir: Steve Jobs
Ijraiye emeldari: Timothy D. Cook
Maliye emeldari: Peter Oppenheimer
Bazar pilanlash diriktori: Philip W. Schiller
Mehsulat layiheligüchi: Jonathan Ive
Alma shirkiti tilgha élinsila kishiler alma shirkitining qurghuchisi shundaqla qayta tirildürgüchisi, hazirqi bash ijraiye emeldari sitéw jobésni köz aldigha keltüridu. Alma shirkitining tarixini sölesh mahiyette sitéw jobésning tarixini sözlesh bolup , peqet sitéw jobés bolghachqila alma shirkiti bolghan disek hergiz mubalighe bolmaydu.
1972-Yili Stiwén Jobis Reeds inistitutidin oqushtin toxtap qaldi, u bu inistitutta peqetla bir mewsum oqughanidi. Jobis ottura mektep oqushini tamamlighandin kiyin, daim HP shirkitining liksiyisige qatniship turatti. Bu yili u HP shirkitining yazliq xizmetchisi boldi. Arqidinla HP shirkitide ishleydighan, kalforniye uniwérsititining oqushidin toxtap qalghinigha uzun bolmighan sitéwén woznik bilen tunushti. Bu chaghda woznik özi ishligen uzun ariliqtin chaqirish üskünisini sétish bilen az tola dangqi bar idi. Jobis woznikqa yardemliship, bundaq üskünidin nurghunini sétiship bergen. 1974-Yilining bashlirida, jobis Atari shirkitining ékran lahiyiligüchisi boldi. U yighqan pulliri bilen hindistangha sayahetke bérip, uyerdin rohi ilham izdidi. 1974-Yili küzde, jobis héndistandin qaytip kilip, woznikning "öz memlikette ishlep chiqarghan kompyotér kulubi" yighilishigha qatnishishni bashlidi. U chaghda woznik pütün héssiyati bilen éliktér üskünilirini ijad qilishqa kiriship ketkenidi. Jobis bolsa shexsler kompyotér bazirigha déqqet qilishqa bashlidi. Jobis woznikqa birlikte shexsler kompyotérni tetqiq qilip échish toghrisida meslihet berdi.
1975-Yilidin 1979-yilighiche
1975-Yili jobisning hojrisida jobis bilen woznik alma 1 kompyotirini tetqiq qilishqa bashlidi; 1976-Yili alma 1 kompyotérning tetqiqat xizmiti tamamlinip, jobisning mashina rimontxanisida ular alma 1 kompyotérini yasap chiqti. Woznik HP shirkitige alma 1 kompyotérini tonushturdi, likin bu shirkette uning kompyotérigha qiziqidighan adem chiqmidi. Ret qilinishqa uchrighandin kiyin, jobis alma 1 kompyotérini özliri ishlepchiqirishni oyliship, jobis mashinisini, woznik kompyotérini sétiwitip, birlikte 1250 dollar yighip, alma 1 kompyotérining asasiy taxtisini ishlepchiqirishqa bashlidi.
1976-Yili 4-ayning 1-küni, Woznik, Jobis we Ron Wayne birlikte alma kompyotér shirkitini qurdi. Ron Wayne alma shirkitining tunji markisini lahiyilidi. 1976-Yili 5-ayda, alma 1 kompyotér 666.66 dollar bilen bazargha chiqti. Bir kompyotér sétish dukini alma 1kompyotéridin 50ni sétiwaldi. 1976-Yili yazda, Ron Wayne alma shirkitidin ayrildi. 1976-Yili küzde, woznik alma 2 kompyotérining tetqiqat xizmitini tamamlidi. 1977-Yili Rob Janov alma shirkitining ikkinji markisini lahiyilep chiqti. Bu marka hazirghiche ishlitilip kelmekte. Mike Markkula alma shirkitige 92000 dollar meblegh saldi. 1978-Yili 6-ayning 17-küni jobisning qizi Lisa Nicole tughuldi, kiyinki qétim ishlepchiqirilghan alma kompyotéri qizining ismi bilen alma liza dep ataldi. 1979-Yili alma 2+ kompyotéri bazargha sélindi. Bahasi 1195 dollar. 1979-Yili yazda, alma liza we alma Macintosh tetqiq qilip échishqa bashlidi.
1980-Yilidin 1989-yilighiche
1980-Yili alma 3 kompyotéri sehnige chiqti. Seplimisining oxshimasliqigha asasen, 4340 dollardin 7800 dollarghiche baha qoyuldi. Alma shirkitining pay chiki bazargha chiqip, zor muwapiqiyetke érishti. 1981-Yili jobis Macintosh ning tür guruppisigha qatnashti. Mike Markkula alma kompyotér shirkitining bash dériktori boldi. 1981-Yili 2-ayda, woznik bir qétimliq ayropilan weqeside yarilinip, arqidinla alma shirkiti we Macintosh ning tür guruppisidin waqitliq ayrildi. Woznik toy qilghandin kiyin, kalforniye uniwérsititigha qaytip, éliktér qurulushi we kompyotér kespi unwanini dawamliq oqudi.
1981-Yili 8-ayda, IBM shirkiti tunji shexsler kompyotéri IBM-PC ni bazargha saldi. Gerche IBM-PC alma 2 we alma 3 kompyotérdin kiyin barliqqa kelsimu, emma u ghayet zor muwapiqiyetke érishti.
1981-Yili 11-ayda, alma kompyotér shirkiti bilen qapliq qurt pilastinka shirkiti bilen mexpi kilishim tüzdi. 1982-Yili, liza sanliq melumat ambiri tamamlinip, élan qilinishqa teyyarliq qilindi. Alma shirkitining élan wakaletchisi Chiat/Day bolsa Macintosh TV spot élanini ishlep chiqti."1984" 1983-Yili bahasi ayrim halda 9998dollar we 1395 dollar bolghan liza sanliq melumat ambiri we Apple Iie élan qilindi,.alma shirkiti tarixtiki tereqqiyati eng téz bolghan shirket boldi.
1983-Yili baharda, Macintosh ning élani"1984" qayta ishlendi.
1983-Yili 4-ayda, John Sculley , PepsiCo ning aldinqi nöwetlik bash dériktori alma shirkitining bash dériktori we CEO boldi. 1983-Yili 6-ayda, Stiwén Woznik alma shirkitige qaytip keldi.
1983-Yili 12-ayda, alma 3+ élan qilindi. Bahasi 2995 dollar. Buning bilen bir waqitta, IBM-PC ning sétilish miqdari 1milyondin ashti. 1984-Yili, alma shirkitining élani "1984" pütün amirikidiki kinoxanilarda qoyuldi. 1984-Yili 1-ayning 22-küni, "1984" élani Super Bowl XVIII da qoyuldi. 1984-Yili 1-ayning 24-küni, Apple Macintosh élan qilindi. Macintosh da pütünley yéngiche bolghan inqilab xarektiridiki meshghulat séstimisi seplengen bolup, u kompyotér kespi tereqqiyat tarixidiki bir abide boldi.
1984-Yilining otturilirida, 5burjeklik bina Macintosh ning sotsiyalizm döletlirige sétilishni cheklidi. Bu chaghda, sabiq sowit ittipaqida Macintosh da ishlitilgen téxnikini téxi héchkim bilmeytti.
1985-Yilining bashlirida, Mac XL , alma 2 kompyotérining kücheytme neshri élan qilindi. Jobis alma shirkitidin ayrildi. Buningdiki mesile jobis bilen Sculley otturisida körülgen bolup, jobis Sculley ni kompyotérni peqet chüshenmeydu dep qaraytti, Sculley bolsa, jobis bashqurushqa mahir emes , bu shirketke nisbeten xeterlik dep qaridi.
1985-Yili 5-ayning 23-küni, jobis siyasiy özgirish arqiliq Sculley ni texttin chüshürmekchi boldi. U Sculleyning jonggoda yighingha qatnishish mezgilidin paydilinip, alma shirkitining kontrol qilish hoquqigha érishishke urundi. Axirqi peytte, uning pilani melum adem tereptin Sculley gha ashkarilap qoyuldi.
1985-Yili 5-ayning 24-küni, Sculley bilen jobis otturisida keskin bes-munazire boldi. Sculley mudiriyettin jobis we özidin birini tallashni telep qildi.
1985-Yili 5-ayning 31-küni, Sculley jobisning barliq hoquqini élip tashlap, peqet alma shirkitining reislikidin ibaret wezipisinila saqlap qaldi. Emma jobisning shirkette herqandaq bir qararini özgertish hoquqi qalmidi.
1985-Yili yazda, Sculley alma shirkitining yéngi bir rehbiri boldi. U chaghda shirkette 1200 xadim bar idi.
1985-Yili 9-ayning 17-küni, Stiwén Jobis alma shirkitidin resmiy türde istipa bérip chikindi. U alma shirkitining mudiriyitige özining yéngi bir shirket quridighanliqini bildürdi. U yene ulargha alma shirkitining 5 yallanma xadimining özi bilen birlikte yéngi shirket quridighanliqini uqturdi.
1985-Yili 9-ayning 23-küni, alma shirkiti Stiwén Jobis üstidin sotqa erz sundi.
1985-Yili 10-ayning 24-küni, John Sculley alma shirkitining tarixidin buyanqi eng eski bir toxtamni imzalidi. U eger mikrosoft dawamliq alma shirkiti üchün yumshaq dital ishlepchiqarsa, (Word，Excel digendek), alma shirkitining bir qisim süret körünme yüz téxnikisini ishlitishige qoshuldi. Eger Sculley bu toxtamni tüzmigen bolsa, Windows belkim menggü arigha kirelmeytti. Windowsning MacOS ge oxshiship kitishidin shuni körüwilishqa boliduki, alma shirkiti mikrosoftqa qarshi turidighan herqandaq bir dewada asanla utuwalalaydu.
1985-Yilining axirliri, alma shirkiti Macintosh Office ni élan qildi, hemde tunji qétim LaserWriter we AppleTalk tor téxnikisini ishlitip, kichik tiptiki karxanilarning Mac qa bolghan qiziqishini ashurdi.
1986-Yili 1-ayda, alma shirkiti Stiwén Jobisqa üstidin erz qilishni toxtatti. Stiwén Jobis alte ayghiche alma shirkitining xizmetchilirini ishletmeslikke we alma shirkiti bilen riqabetlishidighan herqandaq bir shirketni qurmaydighangha qoshuldi, shu yili NeXT shirkitini qurdi. Stiwén Jobis George Lucas din Pixar kompyotér kartun ishlesh ishxanisini sétiwilip, 10 milyon chiqim qildi. 1986-Yili 9-ayda, Apple IIgs élan qilindi, bahasi 999 dollar. 1987-Yili alma shirkiti qurulghinining 10 yilliqi bolup, Mac SE bilen Mac II bazargha sélindi. 1988-Yili 1-ayda, mikrosoft shirkiti Windows 2.0.3 ni élan qildi. 1988-Yili 3-ayning 17-küni, alma shirkiti mikrosoft shirkiti bilen HP shirkiti üstidin yuqirigha erz sunup, ularni alma shirkitining neshir hoquqigha dexli-terüz qildi dep erz qildi. Chünki Windows 2.0.3 da Mac qa oxshap kitidighan sinbelgiler ishlitilgen idi. 1988-Yili 10-ayning 12-küni , NeXT kompyotiri élan qilindi, bahasi 6500 dollar. (Seplimisi 25MHz liq ichki saqlighuch, 250MB liq qattiq déska, FPU , Faxmodem , 17 dyumluq ékran). 1989-Yili 2-ayda, qapliq qurt pilastinka shirkiti alma shirkitini 1981-yili imzalanghan toxtamgha xilapliq qildi dep erz qildi. Erzde alma shirkiti toxtamning birikme muzika ishlesh iqtidarigha ige kompyotér ishlepchiqirish toghrisidiki maddisigha xilapliq qildi diyildi.
1989-Yili 9-ayda NeXTstep 1.0 élan qilindi.
1990-Yilidin 1999-yilighiche
1990-Yili Windows 3.0 élan qilindi; NeXTstation élan qilindi; alma shirkiti Mac Iifx , Classic , LC we Mac Iisi qatarliq töt xil tiptiki kompyotérlarni bazargha saldi.
1991-Yili, IBM shirkiti bilen alma shirkiti ittipaqlashti. IBM shirkiti alma shirkiti üchün RISC bir terep qilghuch (PowerPC) ni tetqiq qilip berdi, Mac Classic II，PowerBook 100, PowerBook 140, PowerBook 170, Quadra 700 we Quadra 900 élan qilindi. Pixar kompyotér karton ishlesh ishxanisi bilen désniy shirkiti filim ishleshte hemkarlashti. Pixar kompyotér karton ishlesh ishxanisi filim ishlep, désniy shirkiti tarqatti, ikki terep chiqimni teng chiqirip, kirimdin teng behirlendi.
1991-Yili 10-ayning 9-küni, alma shirkiti qapliq qurt pilastinka chiqirish shirkitige 26 milyon 500 ming tölem bérip, erzni axirlashturdi.
1992-Yili NeXTstep3.0 élan qilindi, mikrosoft Windows 3.1 ni élan qildi.
1993-Yili 2-ayda, Stiwén Jobis NeXT shirkitining yérimdin artuq xizmetchisini ishtin boshatti, qattiq dital bölümini qalduriwetti, shuning bilen bir waqitta, NeXT shirkitining meshghulat séstimisigha küch chiqiridighanliqini élan qildi.
1993-Yili 4-ayda, birinji yürüsh PowerPC 601 bir terep qilghuch Motorola teripidin élan qilindi. Ijra qilish süriti ayrim ayrim halda 50MHz, 66MHz we 80MHz . NeXT shirkitini qurghuchi axirqi adem shirkettin ayrilip, Stiwén Jobis NeXT shirkitining birdinbir rehbiri bolup qaldi. (NeXT shirkiti ismini NeXT kompyotér shirkiti dep özgertti).
1993-Yili 6-ayda, Michael Spindler bolsa Sculley ning ornini igellep, alma shirkitining CEO si boldi. Sculley dawamliq türde alma shirkitining mudiriyet reisi boldi.
1993-Yili 8-ayning 2-küni, alma shirkiti tunji PDA（Newton MessagePad） élan qildi. Gerche Newton MessagePad oxshash türdiki bashqa riqabetchiliridin (mesilenWindows CE PDAs，Palm PDAs qatarliq) üstün tursimu, emma uning sétilish miqdari intayin bichare halette idi. Alma shirkitining PDA bölümi Newton MessagePad élan qilinip, töt yildin kiyin tarqitiwitildi.
1993-Yili 8-ayning 24-küni, sot 1985-yilidiki alma shirkiti bilen mikrosoft shirkitining dewasigha qarar chiqirip, Windows2.0.3 dexli-terüz shekillendürmidi dep höküm chiqardi.
1993-Yili 10-ayning 15-küni, Sculley alma shirkitidiki xizmitidin istipa bérip, Spectrum shirkitining mudiriyet reisi, qoshumche CEO boldi.
1994-Yili 3-ayning 14-küni,bir yürüsh Power Mac6100，7100，8100 élan qilindi.
1994-Yili 6-ayda, MacOS7.5 élan qilindi, alma shirkiti 7.1.2+SU3 din intayin muhim bir qedemni basti.
1994-Yili yazda, alma shirkiti MacOS ke alahide ijazet qilishqa bashlidi.
1994-Yili 12-ayning 13-küni, alma shirkiti aililerde ishlitilidighan köp wastiliq sistima, yeni torda oyun oynash, öginish we köngül échishqa ishlitilidighan Pippin ni élan qildi,
1994-Yili qishta, IBM bilen Motorola shirkiti PowerPC 603 bilen PowerPC 604 ni élan qildi.
1995-Yili 2-ayda, PowerPC 603e élan qilindi.
1995-Yili 5-ayda, désniy shirkiti teripidin Pixar shirkitining tunji filimi " Toy Story" (qonchaq hékayisi) ni qoyuldi. 1996-Yili 4-ayning 1-küni, alma shirkitining 20 yilliq xatire nusxisi Macintosh élan qilindi.
1996-Yili 10-ayda, meshghulat séstimisi System 7.5.5 élan qilindi.
1996-Yili 12-ayda alma shirkiti 430milyon amirika dolliri bilen NeXT kompyotér shirkitini sétiwaldi. 1997-Yili 1-ayning 24-küni, MacOS 7.6 élan qilindi.
1997-Yili 1-ayning 26-küni, NeXT shirkiti sétiwilinghanliqtin, Stiwén Jobs alma shirkitige qaytip keldi. MacWorld yighinida, yéngi MacOS sitiratigiyisi otturigha qoyuldi.
1997-Yili 3-ayda, Bandai yaponiyide Pippin Atmark élan qildi.
1997-Yili 4-ayda, Motorola shirkiti 300MHz liq PowerPC 603e ni élan qildi.
1997-Yili 6-ayda, Gil Amelio alma shirkitining ikkinji maliye peslide 740milyon amirika dolliri ziyan tartqanliqini élan qildi. 1997-Yili 7-ayning 1-küni,Macintoshning 20yilliq xatire nusxisi bazargha sélindi. Mezkur mashinining asasiy chastotisi 250MHz, toplashturulghan BOSE awaz séstimisi seplengen. Bu Macintosh cheklik tarqitilip, özgiche uslubi bilen yighip saqlighuchilarning yaxshi körüshige érishti.
1997-Yili 7-ayda, Gil Amelio alma shirkitidiki bash dériktor we CEO liq xizmitidin istipa berdi.
1997-Yili 7-ayning 22-küni, MacOS 8 élan qilindi. U bir Mac OS 1.0 ge heqiqiy oxshimaydighan kompyotér üstel yüzi séstimisi bolup, burunqi barliq séstimilargha qarighanda uning ijra qilinishi téximu muqim.
1997-Yili 8-ayning 6-küni, Stiwén Jobis alma shirkitining rehbiri bolup, mikrosoft shirkiti bilen ittipaq tüzgenlikini élan qildi. Mikrosoft shirkiti alma shirkitining 150milyon amirika dollarliq pay chikini sétiwaldi. Alma shirkiti mikrosoftning IE köz yügürtküchini alma kompyotér séstimisigha toplashturup kirgüzidighan boldi.
1997-Yili 9-ayda, Motorola shirkiti PowerPC750（G3） bir terep qilghuchni élan qildi. Alma shirkiti ijazetnamini qaytidin sétiwaldi. 1997-Yili 9-ayning 16-küni, Stiwén Jobs alma shirkitining iCEO boldi (waqitliqCEO ).
1997-Yili 11-ayda Bandai amirikida Pippin@World ni élan qildi, bahasi 600 amirika dolliri.
1997-Yili 11-ayning 10-küni, “Apple Event” de Power Macintosh G3 bilen Apple Store ghelibige érishti.
1998-Yili 1-ayning 7-küni, alma shirkiti heqiqiy türde qaytidin paydigha yüzlengenlikini élan qildi. Stiwén Jobis 1998-yilliq maliye peslide 47milyon amirika dolliri kirim qilghanliqini élan qildi.
1998-Yili 2-ayning 27-küni, Newton türi toxtitildi. Asasiy sewebi mezküz tür zor ziyangha uchrighanliqtin (alma shirkiti Newton türige 500milyon amirika dolliri meblegh salghan) we alma mehsulatlirining sétilishi töwenlep ketkenlikidin boldi. Shunga barliq muhim bolmighan we kirim kirmeydighan mehsulatlar (mesilen basma mashinisi we qoshumche ditallar) ishlepchiqirishtin toxtitildi.
1998-Yili 5-ayda, iMac bilen xatire kompyotér PowerBook G3 élan qilindi.
1998-Yili 7-ayda, alma shirkiti 1998-yilliq 3-maliye peslide 101milyon kirim qilghanliqini élan qildi. 1998-Yili 7-ayning 30-küni, Motorola shirkiti 333MHz, 366MHz we 400MHz liq PowerPC G3 bir terep qilghuchni élan qildi. 1998-Yili 8-ayda, iMac ni zakas qilish taloni 150ming danidin éship ketken.
1998-Yili 8-ayning 15-küni iMac bazargha sélinghan hemde tarixtiki sétilishi eng téz bolghan shexsler kompyotéri bolghan. 1998-Yili 10-ayning 15-küni, MacOS 8.5 élan qilinghan.
1999-Yili 1-ayning 5-küni, MacWorld körgezmiside, alma shirkiti Power Macintosh G3 Yosemite we 5 xil oxshimighan rengdiki 266MHz liq iMac ni közgermige qoyghan.
1999-Yilining aldinqi ikki maliye peslide, Power Macintosh G3 Yosemite ning sétilishi eng yaxshi bolghan. Mac OS X Server élan qilinghini bilen 3-aygha kelgen chaghda andin bazargha salghan.
1999-Yili 4-ayning 14-küni, 333MHz liq 3-nusxa iMac élan qilinghan.
1999-Yili 4-ayda, QuickTime 4 Beta élan qilinghan. Alma shirkitining tor bitide QuickTime 4 formatidiki kino “Episode One / The Phantom Menace” ning muqeddimisini chüshürgili bolidu. Bu kino muqeddimisini 25milyon adem tordin chüshürgen bolup, u éntérnét tor tarixidiki chüshürüsh qétim sani eng köp bolushtek rikortni yaratqan.
1999-Yili 6-ayda, yéngi xatire kompyotér PowerBook G3 Lombard élan qilinghan. U burunqi xatire kompyotérlirigha qarighanda téximu yinik, téximu kichik. 300MHz liq Power Macintosh G3 Yosemite ishlepchiqirilishtin toxtitilip, yingidin 450MHz liq Yosemite bazargha sélinghan. Kespi körünüsh tehrirlesh yumshaq ditali Final Cut Pro élan qilinghan.
1999-Yili 7-ayning 21-küni, nyoroktiki MacWorld körgezmiside, iBook élan qilinghan.
1999-Yili 8-ayning 31-küni, iBook ni zakas qilish taloni 140 danidin iship ketken. Stiwén Jobs Seybold yighinida derijidin tashqiri kompyotér Power Macintosh G4 ni namayen qilghan, 500MHz liq G4 bir terep qilghuch her sikuntigha 1milyard qétim leylima nuqta hésablishini ijra qilalaydu. U del bu seweblik amirika hökümiti teripidin ikisport qilish meni qilinghan qoral yasash téxnikisi qatarigha kirgüzülgen.
1999-Yili 9-ayning 30-küni, Pixar shirkitining ikkinji kinosi “Toy Story 2” tunji qoyulghan.buning bilen Pixar shirkiti pütün dunyadiki kompyotér karton kinosi sahesidiki hökümranliq ornini mustehkemligen. “Toy Story” , “Toy Story 2” we "A Bug’s Life" ning dunyadiki omumiy bilet kirimi 1milyard 200milyon amirika dollirigha yetken.
1999-Yili 10-ayning 5-küni, 350MHz liq , 400MHz liq iMac élan qilinghan. Bezilirige DVD nur déska rayoni seplengen. IMove (Final Cut Pro ning addi nusxisi) baghlanghaniMac DV we iMac DV ning alahide nusxisi bazargha sélinghan.
1999-Yili 11-ayning 5-küni, MacOS 9 élan qilinghan. U ishletküchilerge Sherlock 1 ning kücheytme nusxisi Sherlock 2 ning yéngi alahidiliklirini élip kelgen.
2000-Yilidin 2002-yilighiche
2000-Yili 1-ayning 6-küni, san-fransiskodiki MacWorld körgezmiside, eng yéngi meshghulat séstimisi Mac OS X namayen qilinghan, Mac OS X bolsa Rhapsody ning sitiratigiyisi asasida barliqqa kelgen yéngi meshghulat séstimisi,NeXT meshghulat séstimisigha oxshash UNIX séstimisi. Alma shirkiti Mac OS X de yéngi “Aqua” kompyotér üstel yüzini tonushturghan. Mac OS X ammiwi sinaq nusxisi 2000-yili yaz peslining axirlirida élan qilinghan, uning heqiqiy nusxisini 2001-yili 1-ayda élan qilish pilan qilinghan. Stiwén Jobs yene bir qétim alma shirkitining CEO (gerche unwani yenila “iCEO” bolsimu, waqitliq CEO emes) si bolghan. Ishxana aptomatlashturush yumshaq ditali AppleWorks 6 élan qilinghan. Alma shirkitining tor bitige iTools ningkige oxshaydighan yingi alahidilikler qoshulghan. ITools alma shirkitining Mac ishletküchiliri we iReview üchün yolgha qoyghan bir türlük heqsiz Web boshluqi mulazimiti.
2000-Yili 2-ayning 16-küni, PowerBook G3 Pismo , iBook ning alahide nusxisi we 500 MHz liq Power Macintosh G4 tokyoning MacWorld körgezmiside élan qilinghan. AirPort simsiz tor seplengen 400MHz liq, 500MHz liq PowerBook G3 mu oxshash waqitta élan qilinghan. IBook ning alahide nusxisi iMac DV ning alahide nusxisining renggini ishletken. Uning asasiy chastotisi 366MHz. 2000-Yili 4-ayning 19-küni, alma shirkiti 2000-yilliq 3-maliye peslidiki kirimining 233milyon amirika dollirigha yetkenlikini élan qilghan.
2000-Yili 7-ayning 19-küni, nyoroktiki MacWorld körgezmiside alma shirkiti yéngi bir yürüsh iMac (iMac, iMac DV , iMac DV+ , iMac DV SE ) ni , yéngi PowerMac G4 Cube we qosh bir terep qilghuch seplengen PowerMac G4 ( qosh 500MHz liq PPC G4 bir terep qilghuch) ni élan qilghan.
2000-Yili 9-ayning 12-küni, parijdiki közgezmide, alma shirkiti yéngi iBook ni élan qilghan. Yingidin élan qilinghan iBook ning (külreng we sösün reng) oxshimighan ikki renglik nusxisi bolup, asasiy chastotisi 366MHz we 466MHz . Uningdin bashqa, Mac OS X sinaq nusxisi élan qilinip, engiliye, girmaniye we firansiyining Apple Store da 30 amirika dolliridin sétilishqa bashlanghan, mikrosoft shirkiti alma nusxisidiki Office 2001 ni élan qilghan, u Windows neshrining MS Office 2000 dinmu yaxshi dep qaralghan. 2000-Yili 9-ayning 29-küni, alma shirkiti özgertilgendin kiyinki 2000-yilliq 4-maliye peslidiki texminiy kirimni élan qilghan. Deslepki 4-maliye peslidiki texminiy kirim 165 milyon amirika dolliri bolghan bolsa, özgertilgendin kiyinki texminiy kirim 110milyon amirika dolliri bolghan. Bu bayanat sewebidin alma shirkitining pay chiki bir kichidila 45 pirsent point töwenlep, her pay chiki 53.50 amirika dolliridin 29.13 amirika dollirigha chüshüp qalghan.
2000-Yili 12-ayning 5-küni, alma shirkiti 2001-yilliq 1-maliye peslide 259milyon amirika dolliri ziyan tartidighanliqini mölcherligen. Bu alma shirkitining 3 yil ichide tunji qétim ziyan tartishi idi. 2001-Yili 1-ayning 9-küni, MacWorld yighinida, Stiwén Jobs bir yürüsh alma mehsulatlirini élan qilghan. Qattiq déska jehette, alma shirkiti pütünley yingi bolghan PowerMac G4 kompyotirini namayen qilghan. Yingi G4 titandin yasalghan, shundaqla eng téz bolghan G4 bir terep qilghuch we CD-RW yaki DVD-RW nur déska rayoni seplengen. Alma shirkiti yene DVD ijazetnamisigha ériship, DVD studio Pro bilen iDVD ni élan qilghan. Uningdin bashqa, alma shirkiti hökümet torini qoyush, kodlashturush we MP3 höjjitige aylandurushqa ishlitidighan yumshaq dital iTools ni heqsiz chüshürüsh bilen teminligen. Alma shirkiti yene MacOS 9.0.4 ning yuqiri kötürülgen nusxisi MacOS 9.1 ni élan qilghan.
2001-Yili 2-ayning 22-küni, alma shirkiti tokyodiki MacWorld körgezmiside CD-RW nur déska rayoni seplengen yéngi bir yürüsh iMac élan qilghan. Bu bir yürüsh yéngi iMac lar "indigo köki" , "darmatiyan köki", "gül küchi" we sürme tash rengdin ibaret töt xil renglik bolup, asasiy chastotisi 500MHz we 600MHz. Uningdin bashqa alma shirkiti G4 Cube ning yuqiri kötürülgen nusxisini élan qilghan.
2001-Yili 3-ayning 14-küni, alma shirkiti 62milyon amirika dollarliq pay chiki bilen PowerSchool shirkitini sétiwalghan. PowerSchool shirkiti mekteplerni san-sifirlarni bashqurush yumshaq ditali bilen teminleydighan shirket bolup, PowerSchool Server éntérnét tori asasida tetqiq qilip échilghan, shunga Web köz yügürtküchtin paydilinip, uni ziyaret qilghili bolidu. Alma shirkiti PowerSchool shirkitini sétiwalsa, mektepni mukemmel bolghan séstima toplashturush bilen teminligili, oqughuchilarni iMac bilen teminligili, oqutquchilarni Power Macintosh kompyotéri bilen teminligili bolidu. Power Macintosh G4 Server bolsa, PowerSchool yumshaq ditali bilen AirPort simsiz tor supisi bolalaydu.
2001-Yili 3-ayning 24-küni, alma shirkiti Mac OS X 10.0 ni élan qilghan. Oxshash mezgilde Mac OS X ning köpligen üchinji terep yumshaq ditalliri élan qilinghan.
2001-Yili 4-ayning 18-küni, alma shirkiti bu yilliq maliye peslide 43 milyon amirika dolliri kirim qilghanliqini élan qilghan, buning ichide 9 milyon amirika dolliri kirim Mac OS X din kirgen. 5 Milyon dane sétilish miqdari bilen, iMac hazirgha qeder eng muweppeqiyet qazanghan shexsler kompyotéri bolghan.
2001-Yili 5-ayning 1-küni, yéngi iBook élan qilinghan, yéngi iBook ning qépi aq renglik plastik matiriyal , 500MHzliq G3 bir terep qilghuch, körünüshni perq qilish nisbiti eng yuqiri bolghanda 1024x768 péksil bolghan.
2001-Yili 5-ayning 19-küni, alma shirkiti özining tunji parche sétish dukanliri échilghan, bu dukanlar ayrim halda los-anjilis we washington etrapigha jaylashqan. Alma shirkiti özining parche sétish dukanlirini qattiq dital we Macintosh yumshaq ditalliri bilen teminligen hemde heweskarlar üchün öginish we tejribe almashturush, shundaqla alma qattiq ditalining körsitilishi üchün mexsus orun hazirlighan. Alma shirkiti özining sétish dukanlirini tesis qilish arqiliq nöwettiki 5%lik bazar hejimini bir hesse ashurmaqchi bolghan, 2001-yilining axirlirigha kelgende, pütün amirikida parche sétish dukinidin 25ni achqan.
2001-Yili 5-ayning 21-küni, WWDC 2001 yighinida alma shirkiti Mac OS X ning ixtiyariy qoshumche qilinidighanliqi élan qilinghan. Uningdin bashqa alma shirkiti WebObject 5 we 17 dyumluq tekshi ékranliq yingi Studio körsetküchni élan qilghan. Shuning bilen bir waqitta, PowerMac G4 Server ning derijisini 533MHz G4 bir terep qilghuchqa kötürgen. WebObject 5 bolsa Web qollinish programmisini tüzüshke ishlitidighan desleptiki bir qoral.
2001-Yili 7-ayning 3-küni, alma shirkiti Power Macintosh G4 Cube bir yürüsh mehsulat liniyisini resmiy türde toxtatqan.
2001-Yili 7-ayning 17-küni, alma shirkiti 2001-yilliq 3-maliye peslide 61 milyon amirika dolliri kirim qilghanliqini élan qilghan.
2001-Yili 7-ayning 18-küni, nyoroktiki MacWorld körgezmiside, alma shirkiti yingi G4 kompyotérini élan qilghan,asasiy chastotisi 867MHz gha yetken, buning ichide qosh 800MHz liq bir terep qilghuch sikontigha 12milyard leylime nuqta hésablash iqtidarigha ige. Alma shirkiti Mac OS X 10.1（Puma） ning 9-ayda bazargha silinidighanliqini élan qilghan. 2001-Yili 9-ayning 7-küni, alma shirkiti 733MHz liq Power Macintosh G4 Server ni élan qilghan. Alma shirkitining yene bir parche sétish dukini oxéoda échilghan.
2001-Yili 9-ayning 25-küni, uzun mezgillik kütüsh axiri ayaghliship, alma shirkiti Mac OS X ning derijisi yuqiri kötürülgen nusxisi Mac OS X 10.1 ni élan qilghan. U Mac OS X qarighanda hésablash süriti téximu téz, CD uyup singha élishni qollaydu, DVD liq qoyghuch hemde yingi körünme yüzi ige. Uningdin bashqa Mac OS X Server v10.1 ni élan qilghan. 2001-Yili 10-ayning 16-küni, téximu téz bolghan, 550MHz liq we 667MHz liq PowerBook G4, 600MHz liq iBook ,shundaqla qosh 800MHz liq G4 bir terep qilghuch seplengen PowerMac G4 Server birla waqitta élan qilinghan.
2001-Yili 10-ayning 17-küni, alma shirkiti 2001-yilliq 4-maliye peslide 66 milyon amirika dolliri kirim qilghanliqini élan qilghan .
2001-Yili 10-ayning 23-küni, Stiwén Jobs jamaetke yanda élip yürüydighan MP3 qoyghuch iPod ni élan qilghan. IPod qa 5GB liq (MP3 naxshidin 1000ni qachilighili bolidighan) qattiq dital, 2 dyumluq LCD körsetküch, sifirliq chongaytquch we naushnik seplengen. Uningdin bashqa alma shirkiti yene MP3 höjjitini Mac tin iPod qa chüshürüshke ishlitidighan yumshaq dital qorali iTunes 2 ni élan qilghan.
2001-Yili 11-ayning 2-küni, “Monsters Inc.” amirikining barliq kinoxanilirigha tunji qoyulghan. “Monsters Inc.” bolsa Pixar shirkitining tötinji karton filimi bolup, tunji qoyulghan birinji heptisidila 63milyon 480ming amirika dolliriliq bilet kirimigha érishken.
2001-Yili 11-ayning 13-küni, AirPort 2 élan qilinghan, uninggha Windows PC ni qollash ashurulghan, ulanmisi 50 ge yetken we 128 bitliq pirslash téxnikisi qollinilghan.
2001-Yili 12-ayning 4-küni, Final Cut Pro 3 we MacOS 9.2.2 élan qilinghan.
2002-Yili 1-ayning 7-küni, MacWorld körgezmiside, alma shirkiti yipyingi LCD iMac ni namayen qilghan, shuning bilen bir waqitta 14 dyumluq iBook bilen resim tehrirligüch yumshaq ditali iPhoto ni namayen qilghan.
2002-Yili 1-ayning 16-küni, alma shirkiti 2002-yilliq 1-maliye peslide 38milyon amirika dolliri kirim qilghanliqini élan qilghan. Bu pesilde alma shirkiti 74.6 dane Mac satqan.
2002-Yili 1-ayning 28-küni, yéngi PowerMac G4 élan qilinghan, uning asasiy chastotisi 1GHz gha yetken , 2MB liq DDR ning L3 saqlighuch seplengen. Qosh 1GHz liq G4 bolsa 2GHz liq Pentium 4 din 72% téz.
2002-Yili 2-ayning 12-küni, Alma shirkiti, Soni Érikson shirkiti QuickTime siziqliq téxnikisini ishlitip, birlikte here köniki télifonining köp wastisigha ishlitilidighan sistimini tetqiq qilip achidighanliqini élan qilghan.
2002-Yili 3-ayning 14-küni,alma Mac OS X yiraq musapiliq üstel yüzi élan qilinghan. Bu Mac OS torini bashqurush asasidiki yumshaq dital qorali.
2002-Yili 3-ayning 31-küni, iPod yuqiri kötürülgen nusxisi we 23 dyumluq Cinema körsetküch tokyodiki MacWorld körgezmiside élan qilinghan. Alma shirkiti 4-ayda Mac OS X ning kök chishni qollaydighanliqini élan qilidighanliqini bildürgen. 2005-Yili sitéw jobés bundin kéyinki alma kompiyutérlirigha INTEL shirkitiningCPU lirini sepleydighanliqini élan qildi. 2006-Yili gogul shirkitining lidiri érik simit alma kompiyutér shirkitining pay chékini sétiwélip alma shirket mudiriyitige kirdi. 2007-Yili 1-ayda alma shirkiti shirket namini lma kompiyutér shirkitidin alma shirkiti dep özgertish bilen bir waqitta dewr bölgüch mehsulati bolghan ayfon télfoni bazargha sélindi. Shuningdin kéyin bügüngiche alma shirkiti dunyadiki télfon ishlepchiqiridighan 3-chong shirket bolup qaldi.