JXJ 7 - Qétimliq Memliketlik Nopus Tekshürüshi
Jungxu'a xelq jumhuriyiti yettinchi qétimliq memliketlik omumyüzlük nopus tekshürüsh (xenche:中华人民共和国第
次全国人口普查, kril uyghur: xitay xelq jumhuriyiti yettinchi qétimliq memliketlik omumyüzlük nopus tekshürüsh) qisqiche yettinchi qétimliq nopus tekshürüsh. Junggo xelq jumhuriyiti hökümiti 2020 - yili élip barghan memliketlik omumiyüzlük nopus éniqlash we tizimlash xizmiti bolup, 2010 - yili 6 - ayning 1 - küni yolgha qoyulghan «memliketlik nopusni tizimlash nizami» gha asasen, her 10 yilda bir qétim junggo xelq jumhuriyiti miqyasida nopus tekshürüsh élip bérilidu. 2021 - Yili 5 - ayning 11 - küni élan qilinghan «yettinchi qétimliq memliketlik nopus tekshürüsh doklati» gha asaslanghanda, döletning omumiy nopusi 1 milyard 443 milyon 500 mingdur.[1]
Bu qétimliq nopus tekshürüsh del 2020 - yili 11 - ayning 1 - küni sa'et 00:00 de bashlighan; nopus tekshürüsh obyékti jungxu'a xelq jumhuriyiti tewesidiki tebi'iy shexsler we jungxu'a xelq jumhuriyiti sirtida, emma muqim olturaqlashmighan junggo puqraliri bolup, bu jeryanda jungxu'a xelq jumhuriyiti sirtida, chetellerde waqitliq olturaqlashqan turghan chetellikler buning sirtida. Nopus tekshürüsh mezmuni nopus we a'ililerning: ismi, kimlik nomuri, jinsi, yéshi, milliti, medeniyet sewiyisi, kespi, oqiti, aqqun nopus, nikah we tughut, ölüm, turalghu qatarliq asasliq uchurliri tekshürülidu.
Tekshürüsh netijisidin ayan bolushiche, junggo nopusning qérilishish mesilisi téximu éghirlashqan. Bu mesilini hel qilish üchün, j k p merkiziy komitéti siyasiy byrosi 2021 - yili 5 - ayning 31 - küni yighin chaqirip, pilanliq tughut cheklimisining emeldin qaldurulup, üch baliliq siyasetning yolgha qoyulushi maqullighan we qanunda belgilen'gen pinsiye yéshini kéchiktürüshni qarar qilghan.