يالقۇن روزى
| يالقۇن روزى
牙里坤·肉孜 | |
| شەخسىي ئۇچۇرلىرى | |
| تۇغۇلغان | 1966-يىلى 3-ئاينىڭ 4-كۈنى ئاتۇش شەھىرى، ئاغۇ يېزىسى |
| مىللىتى | ئۇيغۇر |
| كەسپى | يازغۇچى، شائىر |
| پەرزەنتلىرى | كامالتۈرك، تۇمارىس |
يازغۇچى ۋە شائىر يالقۇن روزى (ئۇيغۇر لاتىن يېزىقى: Yalqun Rozi) بولسا 1966-يىلى 3-ئاينىڭ 4-كۈنى ئاتۇش شەھىرىئاغۇ يېزىسى دا توغۇلغان.
ھاياتى
[تەھرىر]يالقۇن روزى 1966-يىلى 3-ئاينىڭ 4-كۈنى ئاتۇش شەھىرىنىڭ تەبىئىي مەنزىرىسى گۈزەل تاغلىق يېزىسى ئاغۇدا توغۇلغان. باشلانغۇچ ۋە تولۇقسىز ئوتتۇرا مەكتەپنى 1973-يىلىدىن 1980-يىلىغىچە ئاغۇ يېزىسىدا ئوقۇغان. 1980-يىلىدىن 1982-يىلىغىچە قىزىلسۇ ئوبلاستلىق 1-ئوتتۇرا مەكتەپتە ئوقۇغان.
1987-يىلى شىنجاڭ ئۇنىۋېرسىتېتىنىڭ ئەدەبىيات فاكولتىتىدا ئوقۇغان ۋە ئوقۇش پۈتتۈرگەندىن كېيىن شىنجاڭ خەلىق رادىئو ئىستانسىسىغا قوبۇل قىلىنىپ، مۇخبىرلىق قىلغان. 1991-يىلى 1-ئايدىن باشلاپ «شىنجاڭ مائارىپ گېزىتى» ئۇيغۇر تەھرىر بۆلىمىدە مۇھەررىر بولۇپ ئىشلىگەن.
2005-يىلىدىن باشلاپ شىنجاڭ مائارىپ نەشرىياتى دەرسلىك بۆلۈمىدە ئۇيغۇر تىل-ئەدەبىيات دەرسلىكلىرىنى تۈزۈش، تەھرىرلەش خىزمىتىنى قىلىۋاتىدۇ.
يالقۇن روزى ئەدەبىيات ئوبزورچىلىقى، پۇبلىستىك ماقالە، جەدىدىزىم تەتقىقاتى، نۇتۇق لىكسىيە، ئۇيغۇر تىل-ئەدەبىيات دەرسلىكلىرى تۈزۈش ۋە نەشرىياتچىلىق قاتارلىق جەھەتلەردە كۆزگە كۆرىنەرلىك نەتىجە-ئۇتۇقلارنى قولغا كەلتۈرگەن بولۇپ، «تەكلىماكاندىكى ئالتۇن كولدۇرما»، «مەمتىلى ئەپەندى» (مېرزا سىيىت بىلەن بىللە)، تۇرمۇشتىكى پەلسەپە (تەرجىمە ئەسەر)، ئويغىنىۋاتقان ئەجداد روھى (ئۇيغۇر يازغۇچىلارنىڭ نادىر ئەسەرلىرى توپلىمى)، لاي قەلئەنىڭ سىرى (ئۇيغۇر يازغۇچىلارنىڭ نادىر ئەسەرلىرى توپلىمى) قاتارلىق كىتاپلىرى نەشىر قىلىنغان ۋە نۇرغۇنلىغان ماقالە – ئوبزورلىرى تۈرلۈك مەتبۇئاتلاردا ئېلان قىلىنغان.
يالقۇن روزى تەنقىدىي روھقا باي ئوبزورچى، مەسئۇلىيەت تۇيغۇسى كۈچلۈك پۇبلىست، ئىزدىنىش روھىغا باي تەتقىقاتچى، قايىل قىلىش كۈچىگە ئىگە ناتىق سۈپىتىدە بىزنىڭ ئەدەبىيات-سەنئەت، مەدەنىيەت-مائارىپ، رادىئو-تېلېۋىزىيە ساھەلىرىمىزدە كۆرۈنەرلىك نەتىجە-ئۇتۇق قازانغان، بۇرچىنى بىلىپ ياشىغان بىر زىيالىدۇر،
تۇتۇلىشى
[تەھرىر]يالقۇن روزى ئەپەندىمنىڭ ئامېرىكىدىكى ئوغلى كامالتۈرك يالقۇننىڭ بايان قىلىشىچە، دادىسى 2016-يىلى 10-ئايدا تۇتۇپ كېتىلگەن، ۋە 2018-يىلى 1-ئايدا دۆلەتنى پارچىلاشقا ئۇرۇنغان دىگەن جىنايەت بىلەن 15 يىللىق مۇددەتلىك قاماق جازاسىغا ھۆكۈم قىلىنغان.[1]
باشقىلار
[تەھرىر]- كۆلەڭگە ئىچىدىكى جەڭ (2021 خىتاي تەشۋىقات فىلىمى)
- ئابلاجان بەكرى
يالقۇن روزىمىللىتى ئۇيغۇر ئىش ئەدەبىي ئوبزورچى، يازغۇچى، شائىر توغۇلغان ۋاقتى 1966-يىلى 3-ئاينىڭ 4-كۈنى توغۇلغان جاي ئاتۇش شەھىرى ئاغۇ يېزىسى بالىلىرى كامالتۈرك يالقۇن، تۇمارىس يالقۇن
سىرتقى ئۇلانمىلار
[تەھرىر]| لاگېر شاھىتلىرى تىزىملىكى | |||||||||
| |||||||||
مەنبەلەر
[تەھرىر] |
بۇ ماددا بىر دەسلەپكى نۇسخىدۇر، بۇ ماددىنى كېڭەيتىش ياكى ئالاھىدە دەسلەپكى نۇسخا قېلىپلىردىن بىرنى قويۇپ ۋىكىپېدىيەگە توھپە قوشالايسىز. |