كۇچار شەھىرى

كۇچار شەھىرى 库车市.Kuchar City
كۇچار شەھىرىنىڭ خەرىتىدىكى ئورنى
مەمۇرىي رايون شەكلى	ناھىيە
ۋىلايەت	ئاقسۇ ۋىلايىتى
مىللەتلەر	ئۇيغۇر
تىللار	ئۇيغۇرچە
كوچا باشقارمىسى سانى	4 دانە
بازارلىق سانى	8 دانە
يېزا سانى	6 دانە
نوپۇسى (2015-يىل)	492,535
يەر مەيدانى	14,528.74 كۋادرات كىلومېتىر
ۋاقىت رايونى	UTC+6 (ئۈرۈمچى ۋاقتى)
تېلېفون رايون نومۇرى	997 (0)86+
ماشىنا تاختا نومۇرى	新N

كۇچار شەھىرى (خەنچە: 库车) شىنجاڭ ئۇيغۇر ئاپتونوم رايونى دائىرىسى ئىچىدىكى بىر ناھىيە بۇلۇپ مەمۇرى جەھەتتىن ئاقسۇ ۋىلايىتىتىگە قارايدۇ. كۇچا شەھىرى تەڭرىتېغىنىڭ جەنۇبىي ئېتىكىگە، تارىم ئويمانلىقىنىڭ شىمالىي چېتىگە جايلاشقان. شەرق تەرىپى بۈگۈر ناھىيىسى، باغراش ناھىيىسى بىلەن، جەنۇب تەرىپى شايار ناھىيىسى بىلەن، غەرب تەرىپى توقسۇ ناھىيىسى، باي ناھىيىسى بىلەن، شىمال تەرىپى خېجىڭ ناھىيىسى بىلەن تۇتىشىدۇ. جەنۇبتىن شىمالغىچە بولغان ئۇزۇنلۇقى 193 كىلومېتىر. شەرقتىن غەربكىچە بولغان كەڭلىكى 164 كىلومېتىر، ئومۇمىي يەر مەيدانى 15 مىڭ كۋادرات كىلومېتىر. ناھىيىگە بىر بازار، 13 يېزا، 216 كەنت ئاھالە كومىتېتى قارايدۇ. ناھىيە بازىرىنىڭ ئۈرۈمچى شەھىرى بىلەن بولغان ئارىلىقى 745 كىلومېتىر.

مەمۇرىي رايون

ئاقسۇ ۋىلايىتى كۇچا شەھىرى قارمىقىدا 4 دانەكوچا باشقارمىسى ، 8 دانە بازارلىق ۋە 6 يېزا بار بولۇپ، ئۇلار تۆۋەندىكىچە:

نومۇرى	ئىسمى	ئۇيغۇر لاتىن يېزىقى دا يېزىلىشى	ئىنگلىزچە ئىسمى	خەنزۇچە ئىسمى	مەھەللە سانى	نوپۇسى(مىڭ)	يەر مەيدانى(km2)
1	رەستە كوچا باشقارمىسى	Reste Kocha Bashqarmisi	Reste Subdistrict	热斯坦街道办事处	7	13
2	ساقساق كوچا باشقارمىسى	Saqsaq Kocha Bashqarmisi	Saqsaq Subdistrict	萨克萨克街道办事处	8	18
3	يېڭىشەھەر كوچا باشقارمىسى	Yéngisheher Kocha Bashqarmisi	Yengisheher Subdistrict	新城街道办事处	8	44
4	شەرقىي شەھەر كوچا باشقارمىسى	Sherqiy Sheher Kocha Bashqarmisi	Sherqiy Sheher Subdistrict	东城街道办事处	6	27

نومۇرى	ئىسمى	ئۇيغۇر لاتىن يېزىقى دا يېزىلىشى	ئىنگلىزچە ئىسمى	خەنزۇچە ئىسمى	مەھەللە/كەنت سانى	نوپۇسى(مىڭ)	يەر مەيدانى(km2)
1	ئۇچار بازىرى	Uchar Baziri	Uchar Town	乌恰镇	11	22
2	ئىشخىلا بازىرى	Ishxila Baziri	Ishxila Town	依西哈拉镇	12	32	241.6
3	ئۇزۇن بازىرى	Uzun Baziri	Uzun Town	乌尊镇	11	41.5	136.8
4	ياقا بازىرى	Yaqa Baziri	Yaqa Town	牙哈镇	25	32	265.6
5	ياقىلا بازىرى	Yaqila Baziri	Yaqila Town	雅克拉镇	2	1	214.5
6	چىمەن بازىرى	Chimen Baziri	Chimen Town	齐满镇	19	42	197.7
7	ئالاقاغا بازىرى	Alaqagha Baziri	Alaqagha Town	阿拉哈格镇	25	38	?
8	دۆڭقوتان بازىرى	Döngqotan Baziri	Dongqotan Town	墩阔坦镇	19	18
9	بېھىشباغ يېزىسى	Béhishbagh Yézisi	Behishbagh Township	比西巴格乡	15	27	85.3
10	ئۈچئۆستەڭ يېزىسى	Üchösteng Yézisi	Uchosteng Township	玉奇吾斯塘乡	19	27	?
11	ئاقئۆستەڭ يېزىسى	Aqösteng Yézisi	Aqosteng Township	阿克吾斯塘乡	13	16
12	خانقىتام يېزىسى	Xanqitam Yézisi	Xanqitam Township	哈尼喀塔木乡	26	35.5	?
13	تارىم يېزىسى	Tarim Yézisi	Tarim Township	塔里木乡	6	4	23,295
14	ئاغى يېزىسى	Aghi Yézisi	Aghi Township	阿格乡	6	7	?

ئىزاھات:

يەر تۈزۈلۈشى

شىمالىي ئېگىز، جەنۇبىي پەس، شىمالىي تەرىپى تەڭرىتاغ رايونى، مۇزتاغ چوققىسى ئەڭ ئېگىز بولۇپ، دېڭىز يۈزىدىن ئېگىزلىكى 4553 مېتىر كېلىدۇ). جەنۇبىي تەرىپى دەريا ئېقىنىنىڭ تىنىشىدىن بولغان تۈزلەڭلىك. تاغ يېرى 44% نى، تۈزلەڭلىك 56% نى ئىگىلەيدۇ. كۇچار دەرياسى بىلەن ئۈگەن دەرياسىدىن ئىبارەت ئىككى چوڭ دەرياسى بار. يەر يۈزىدىكى سۇ بايلىقى 592 مىليون كۇب مېتىر، تۈزلەڭلىك رايونلىرىنى يەر ئاستى سۈيى مىقدارى 780 مىليون كۇب مېتىر. ياۋايى ھايۋانات بايلىقىدىن يىلپىز، قاقىر شىمال ئۆچكىسى، ئارقار، ئاق بوغۇز بۆكەن، قارا تايغان بۇغا، ئۇلار قاتارلىقلار بار. ياۋا ئۆسۈملۈك بايلىقىدىن شىنجاڭ ئارچىسى، مېۋىلىك ئاق تىكەن، تەڭرىتاغ چىتەنى، قارا ئالىقات، ئېگىر، قارا يوپۇرماقلىق جىنتيانا، چىلان، ئوسما يىلتىزى قاتارلىقلار بار.

يېزا ئىگىلىكى

بۇ ناھىيە يېزا ئىگىلىكىنى ئاساس قىلىدۇ. ھازىرقى تېرىلغۇ يەر كۆلىمى 52 مىڭ 200 گېكتار ( 783 مىڭ مو)، ئورمانلىق كۆلىمى 101 مىڭ 700 گېكتار (بىر مىليون 525 مىڭ 500 مو)، ئوتلاق كۆلىمى 380 مىڭ 600 گېكتار (بەش مىليون 709 مىڭ مو)، يەنە دېھقانچىلىق قىلىشقا، ئورمان بەرپا قىلىشقا باب كېلىدىغان 341 مىڭ 500 گېكتار (بەش مىليون 122 مىڭ 500 مو) قاقاس يەر بار. دېھقانچىلىق مەھسۇلاتلىرىدىن كېۋەز، بۇغداي، كۆممىقوناق، قوغۇن - تاۋۇز، مېۋە - چېۋە قاتارلىقلار بار. چارۋىسىدىن قوي، كالا، ئېشەك، ئات قاتارلىقلار بار. سانائىتىدىن كۆمۈر، ئېلېكتر ئېنېرگىيىسى، قۇرۇلۇش ماتېرىياللىرى، يېزا ئىگىلىك ماشىنلىرىنى ياساش، پاختا چىقىرىش، كىگىز ئىتىش ۋە ئاشلىق - ماي پىششىقلاپ ئىشلەش كەسپى قاتارلىقلار بار.

ئىقتىسادى

كۇچار شەھىرىنىڭ ئاساسىي مۇئەسسەسەلىرى ئۈزلۈكسىز مۇكەممەللەشمەكتە، دۆلەت تاشيولىنىڭ 314 - ۋە 217 - لىنىيىسى ناھىيىنى كېسىپ ئۆتىدۇ. شەھەر، يېزا تاشيوللىرى تەرەپ - تەرەپكە تۇتاشقان. خەلق ئاۋىئاتسىيىنىڭ كۇچادىن كورلا، ئۈرۈمچىگە قاتنايدىغان قەرەللىك نۆۋەتچى ئايروپىلانى بار. 10 مىڭ پروگراممىلىق تېلېفون پۈتۈن مەملىكەتنىڭ ئالاقىلىشىش توغرىغا كىرگۈزۈلدى. كۇچادا مول سۇ ، تۇپراق ، يورۇقلۇق ۋە ئىسسىقلىق مەنبەسى بار. بولۇپمۇ ئۇ تارىم ۋە غەربىي شىمال تەبىئىي گاز تۇرۇبا يولى تۈرىدىكى نېفىت ۋە تەبىئىي گازنى تەرەققىي قىلدۇرۇشنىڭ مۇھىم ئاساسى. تەبىئىي گاز زاپىسى 2 تىرىليون كۇب مېتىر بولۇپ ، تارىم ئويمانلىقىدىكى ئىسپاتلانغان زاپىنىڭ% 90 تىن كۆپرەكىنى ، خام نېفىت زاپىسى 700 مىليون توننا بولۇپ ، ئىسپاتلانغان زاپاس مىقدارىنىڭ% 70 تىن كۆپرەكىنى ئىگىلەيدۇ. ئىسپاتلانغان نېفىت ۋە تەبىئىي گازلار ياكېلا ، تاھې ، دوڭخېتاڭ ، ياخا ، ئىچى كرېك ، دالۇبا ، يىنەن ، يىشېن ، دىنا 2 ، ياكېن ئانتىتېلاسى قاتارلىقلارنى ئۆز ئىچىگە ئالىدۇ. ئىسپاتلانغان كۆمۈر زاپىسى 1 مىليارد 560 مىليون توننا. تاش تۇز زاپىسى 3 مىليارد 600 مىليون توننا. بۇ ناھىيەنىڭ تېرىلغۇ يەر كۆلىمى 790 مىڭ مو بولۇپ ، بۇنىڭ ئىچىدە تەخمىنەن 3 مىليون 500 مىڭ مو قاقاس يەرنى ئەسلىگە كەلتۈرگىلى بولىدۇ.

ئىقلىمى

كۇچار شەھىرى ئىللىق مۆتىدىل بەلۋاغ قۇرغاق ئىقلىم رايونىغا كىرىدۇ. يىللىق ئوتتۇرىچە تېمپېراتۇرىسى 11.4℃، ئەڭ يۇقىرى تېمپېراتۇرىسى 41.5℃، ئەڭ تۆۋەن تېمپېراتۇرىسى -27.4℃، يىلىغا ئوتتۇرا ھېساب بىلەن 73.8 كۈندە ئەڭ يۇقىرى تېمپېراتۇرا 30℃ تىن يۇقىرى بولىدۇ. كۈننىڭ يىللىق ئوتتۇرىچە چۈشۈش ۋاقتى 2912.4 سائەت. 10℃ يىغىندا تېمپېراتۇرىسى 4300.7℃، قىروسىز مەزگىلى 248 كۈن. يىللىق ئوتتۇرىچە ھۆل - يېغىن مىقدارى 64.8 مىللىمېتىر، سۇنىڭ يىللىق پارغا ئايلىنىش مىقدارى 2842.5 مىللىمېتىر.

ساياھەتچىلىكى

كۇچا شەھىرىدە دۇنخۇاڭنىڭ غەربى، تەڭرىتېغىنىڭ جەنۇبىي بويىچە سانى ئەڭ كۆپ، كۆلىمى ئەڭ چوڭ بولغان تاش غار بۇتخانىسى، قەدىمكى تۇرا قاتارلىق مەدەنىيەت يادىكارلىقلىرى بار. بۇنىڭ ئىچىدە داڭلىقلىرىدىن كۇسەن قەدىمكى شەھىرى، قۇمتۇرا مىڭئۆيى ۋە جاۋخۇلى بۇتخانىسى خارابىسى بار.